Paisache Protechiu de Sant Chuan d'a Penya y Mont Uruel

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sant Chuan d'a Penya
y Mont Uruel

Monesterio de Sant Chuan d'a Penya
Datos chenerals
Tipo Paisache Protechito
Establiu
Superficie 264 ha
Situación
Situación Chacetania, Uesca
Latitut 42°30′27.77″N
Lonchitut 0°40′23.81″U
Mapa

Paisache Protechiu de Sant Chuan d'a Penya y Mont Uruel ye un paisache protechiu situau en a Chacetania, en a provincia de Uesca. Os dos elementos que mas destacan son aquels a os que fa referencia o suyo propio nombre: o monesterio de Sant Chuan d'a Penya y a penya Uruel.

Dende 1920 ye Puesto Natural d'Intrés Nacional, estando un d'os primers espacios naturals en obtener ista declaración en o Estato Espanyol. En Aragón ye definiu como Paisache Protechito dende l'anyo 2007 y ye tamién amás Zona d'Especial Protección ta as Aus (ZEPA) y Puesto d'Importancia Comunitaria (LIC).

Cheolochía[editar | modificar o codigo]

Penya Uruel

Se puet dividir o Paisache Protechiu en dos formacions prencipals: a sierra de Sant Chuan d'a Penya, con una altaria maxima de 1.550 metros, y o mont Uruel que plega dica os 1.770 metros d'altaria.

Destacan os almendrons, rocas sedimentarias de tipo detritico formata por ruellos de glera u cantals unitos por un cemento de precipitación quimica, que forman cinglos.

Flora y fauna[editar | modificar o codigo]

As dos formacions debanditas constituyen un sobrebuen ecosistema de meya montaya. As selvas son densas y bi ha cinglos a'almendrón que sirven de refuchio a colonias de aus rapaces.

A vechetación varia mientres puyamos. En as zonas mas baixas y con mas horas de sol se pueden trobar caixicos y carrascas, amás d'una selva de soto formada mas que mas por buixos, aliagas y brinzons. En puyar apareixen pins silvestres, fabos y abez en os puesto a on bi ha menos horas s'insolación y d'atra man selvals, teixos y acirons.

Trencauesos

Entre a fauna se pueden trobar diferents especies d'aus en periglo d'extinción como o trencauesos y mamiferos como chabalins, corzos, martas u teixudos

Patrimonio cultural[editar | modificar o codigo]

No cal xublidar o important patrimonio cultural d'a zona, con o monesterio de Sant Chuan d'a Penya, cuna d'o reino d'Aragón.

Se veiga tamién[editar | modificar o codigo]

Vinclos externos[editar | modificar o codigo]


Espacios naturals protechius d'Aragón
Esplugas de Cristal de Molins | Foces de Fago y Biniés | Glaciars Pirenencos | Lacuna de Gallocanta | Lacuna de Sarinyena | Lomaza de Belchit | Mallos de Riglos, Agüero y Penya Rueba | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinars de Rodeno | Pocetz-Maladeta | Puent de Fontseca | Saladas de Chiprana | Sant Chuan d'a Penya | Sierra y Foces de Guara | Sierra de Santo Domingo | Sotos y Galachos d'Ebro | El Val | Vals Occidentals