Nachera

Nachera Nájera
Municipio de La Rioja
Entidat  • Estau  • Comunidat  • Comarca	Municipio  Espanya  La Rioja Comarca de Nachera
Superficie	37,44 km²
Población  • Total	8059 hab. (2013)
Altaria  • Meyana	485 m.
Distancia  • 27 km	enta Logronyo
Alcalde	Marta Martínez García
Codigo postal	26300
Ríos	Najerilla
Coordenadas	42°24’56’’N 2°44’ 3’’U
Nachera Nachera en La Rioja
Web oficial

Nachera (Nájera en castellano y oficialment) ye un municipio d'a comunidat autonoma uniprovincial de La Rioja, en a comarca de Nachera (en ye la suya capital).

A suya población ye de 7.911 habitants (2006) en una superficie de 37,44 km², con una densidat de población de 211,30 hab/km².

Cheografía

A localidat de Nachera se troba situada a 485 metros sobre lo livel d'a mar, a una distancia de 27 km d'a ciudat de Logronyo, a capitald'a suya provincia y d'a suya comunidat autonoma.

Toponimia

En os elementos en romance navarro-aragonés que bi ha en textos latinos d'a val d'Ebro s'escribe Naiara, Nagara, Naggera, Naiala y Najera (con i, j y g que representan o fonema /ch/ actual, fonema que amanix por evolución d'as consonants d'as silabas latinas GE, GI, IA). En castellano medieval ixa -g- se prenunciaba prepalatal fricativa sonora, pero enxordió ta convertir-se primero en una -x- y dimpués una -j- velar en o sieglo XVII.

A forma navarro-aragonesa d'o toponimo Nachera con pronunciación africada d'a ch ye documentada en os zaguers textos d'o sieglo XV escritos en aragonés medieval:

...vendo et vendiendo luego de present livro etc. a vos Diego de Soria escudero habitant en la ciudat de Nachera de los regnos de Castilla et a los vuestros es a saber un moro blanco, antes clamado Mahoma de Nachera de edat de XXVIII o XXX anyos poco mas o menos del lugar de Arga del regno de Fez et por precio de vint et nueve doblas de oro de la banda...

Historia

O 3 d'abril de 1367 luitoron amán de Nachera, en a dita batalla de Nachera, as tropas d'Henrique de Trastamara y de Bertrand du Guesclin, que prebaban d'invadir o reino de Castiella, con as tropas de Pero I de Castiella, o Prencipe Negro, Jean Chandos, Olivier V de Clisson y Chuan de Gant, con victoria de raso d'istos zaguers, que facioron preso a du Guesclin y facioron fuyir a franceses y aliaus d'a Casa de Trastamara, recuperando asinas Pero I a cadiera reyal castellana. A batalla estió parte d'a Primera Guerra Civil castellana y d'a Guerra d'os Cient Anyos.

Puestos d'intrés

Molimentos relichiosos

• Monesterio de Santa María la Reyal, establiu por o rei Sancho Garcés IV de Navarra.
• Convento de Santa Elena.

Molimentos civils

• Castiello de la Mota.
• Alcázar.

Museus

• Museu Nacherillense.

Fiestas

• 10 de marzo, Sant Chusé.
• 24 de chunio, Sant Chuan y Sant Pero.