María Moliner

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
María Moliner Ruiz
Información personal
Naixida o: 30 de marzo de 1900
Naixida de: Paniza, Campo de Carinyena, Zaragoza, Aragón)
Muerta o: 22 de chinero de 1981
Ocupación: lexicografa y biblioteconoma
Sitio web: www.MariaMoliner.com

María Juana Moliner Ruiz (Paniza, Campo de Carinyena, Zaragoza, 30 de marzo de 1900Madrid, 22 de chinero de 1981) estió una biblioteconoma e lexicografa aragonesa.[1]

Se licenció en 1921 en Historia (Facultat de Filosofía y Letras d'a Universidat de Zaragoza). A l'anyo siguient, s'incorporó en o Cuerpo Facultativo de Archiveros, Bibliotecarios y Arqueólogos de Simancas, de astí pasó a l'Archivo de la Delegación de Hacienda en Murcia. Colaboró con a Escuela Cossío, con o Instituto Escuela e con as Misiones Pedagógicas en a Segunda Republica Española.

María Moliner ye l'autora d'o Diccionario de uso del español, considerato obra de referencia ta la lexicografía espanyola. Prencipió a treballar en o suyo diccionario en 1952 y a primera edición estió publicata en 1966-67 por a editorial Gredos. Seguntes uno d'os suyos fillos, Fernando Ramón Moliner, a segunda edición, con totas as alteracions e modificacions feitas, ye una edición apocrifa, cuan María Moliner teneba Alzheimer, y no podeba dar un consentimiento conscient a la publicación d'ista nueva edición.

Referencias[editar | modificar o codigo]

  1. (es) Mujeres que son tesoros, Instituto Aragonés d'a Muller, 2020, p.16

Vinclos externos[editar | modificar o codigo]