Levada

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Levada Grande.

As levadas (de levar) son canals de riego que se pueden trobar en a isla de Madeira y en atras islas d'a Macaronesia, como Santo Antão, en Cabo Verde, u La Palma, en as Canarias.

Tamien se dicen levadas a las canals, por un regular de menors dimensions, que levan l'augua enta os molins d'augua.

Etimolochía[editar | modificar o codigo]

A palabra levada tien o mesmo significato en aragonés que en portugués y ye o participio femenino d'o verbo levar. Se'n dicen asinas porque se'n fan servir ta portiar l'augua y levar-la d'un puesto ta atro.

Isla de Madeira[editar | modificar o codigo]

En a isla de Madeira, l'orichen d'as levadas se debe a la necesidat de trescolar grans cantidaz d'augua d'as versants orientatas a norte, a on bi'n ha a-saber-la, enta a versant sud d'a isla, con mayor población y a on se sitúan dende siempre a mayoría d'as plantacions, mas que mas de canya de zucre. As levadas prencipiaron a estar construitas en o sieglo XVI, y as mas recientes datan d'a decada de 1940, transportando augua ta o suyo aproveitamiento en as centrals hidroelectricas y tamién ta usos de riego.

Istas canals tienen, en isla de Madeira, una extensión superior a 1 400 km u son susceptibles d'estar recorritas a piet, estando una sobrebuena de vesitar a-saber-los puestos d'a isla, de gran belleza paisachistica.

Prencipals levadas de Madeira[editar | modificar o codigo]

  • Risco
  • 25 Fontes
  • Balcões
  • Tornos
  • Faial
  • Norte
  • Galhano

Galería d'imachens[editar | modificar o codigo]

Isla de Santo Antão[editar | modificar o codigo]

Acueducto en una levada en a val d'a Ribeira Grande

En a isla de Santo Antão, en Cabo Verde, l'augua se pilla en altaria en as versants d'as vals d'a costa nord-este y s'endreza a traviés d'un amplo rete de levadas ta os cautivos en terrazas. Dada a accentuata irregularidat y estacionalidat d'as precipitacions, concentratas en os meses de setiembre y octubre, as levadas son unitas a basas ta creyar asinas de reservas d'augua ta o riego.

Se veiga tamién[editar | modificar o codigo]

Vinclos externos[editar | modificar o codigo]