Idioma persa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Persa فارسی / Fārsī
Atras denominacions:
Parlau en:	Irán, Afganistán, Tachiquistán
Rechión:	Orient Meyo
Etnia:	Persas
Parladors:	~61.7 millons
Posición:	{{{clasificación}}} (Ethnologue 1996)
Filiación chenetica:	luengas indoeuropeas  indoiranico   iranico    Occidental     Occidental meridional      persa
Estatus oficial
Oficial en:	Irán
Luenga propia de:	{{{propia}}}
Reconoixiu en:	{{{reconoixiu}}}
Regulau por:	Academia d'a luenga y literatura persa Academia de Ciencias d'Afganistán.
Codigos
ISO 639-1	fa
ISO 639-2	per (B), fas (T)
ISO 639-3	fas
SIL
Extensión d'o persa

O persa ye una luenga indoeuropea parlata en Irán, Afganistán, Tachiquistán, Uzbekistán, Bahrein, Iraq, Azerbaichán, Armenia, Cheorchia, o sud de Rusia y países vecins. Ye una luenga indoeuropea d'a branca iranica con una tradición historica luenga que se remonta a l'Imperio Aquemenida, unas cuantas fases lingüisticas (persa antigo, persa meyo u pahlavi, persa clasico y persa contemporanio), y diferents formas stándard actuals (persa en Irán, dari en Afganistán, y tachico en Asia Central).

Historia

O persa antigo s'escribiba en tiempos de l'Imperio Aquemenida, o persa meyo u pahlavi s'escribiba en tiempos de l'Imperio Sasanida. Entre meyo a luenga d'a cort d'a dinastía Arsacida en tiempos de l'Imperio Parto estió o parto, tamién iranico pero d'atra branca adintro d'as luengas iranicas.

Dende a conquiesta islamica, o persa s'encomenzó a escribir con alfabeto arabe y se convertió en a principal luenga en Corastén y Transoxiana, a on que naixió o persa clasico. O primer gran escritor en persa clasico estió Firdusi, un poeta epico Corastení de zaguers d'o sieglo X y principios d'o sieglo XI. O persa clasico se convertió en una luenga de cultura y que mantenió o suyo prestichio entre os selchucidas, otomans, grans mogols y khans uzbecos, que teneban clases dirichents d'orichen turquico. O turco otomán teneba muitas palabras ampradas d'o persa clasico que en tiempos de Kemal fuoron substituyidas por palabras d'orichen turquico.

Dende a capital Teherán se fue oficializando en Irán china chana l'uso d'o persa contemporanio con a prensa y l'amostranza. O stándard persa que ye cooficial en Afganistán ye conoixito como dari y se considera mes puro y arcaizant. Dende os anyos 1930 se facioron importants campanyas d'alfabetización en Tachiquistán prenendo l'alfabeto cirilico, en part por motivos lingüisticos (l'alfabeto cirilico, como l'alfabeto latino y o griego, son mas adaptatos a las luengas indoeuropeas, con mas variedat de vocals que as semiticas), y en part por motivos politicos. En ixa epoca la luenga principió a decir-se tachico.

Persismos

Ta más detalles, veyer l'articlo Persismos en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En as luengas europeas occidentals como l'aragonés bi ha palabras persas trasmesas por l'arabe como alubia, algaraván, arreu, azul, narancha, espinaques y alfaz.