Haixís
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O haixís (de l'arabe حشيش hashish, "hierba") ye una droga psicotropica derivata d'o cannabis que se fabrica quitando d'as flors d'o cannabis os tricomas que la cubren. O haixís gosa recibir diferents nombres seguntes a suya calidat: "chicolate", "polen", "piedra" (alta calitat), "costo" (baixa calitat).
D'aspecto solido, se fa maleable en fer-lo escalfar y de color marrón con reflexos verdosos, negros y doratos. Se gosa fumar en pipa, mezclato con tabaco u chitos de cannabis. O haixís no produce un efecto distinto a o d'a mariguana, sino mas potent y potencialment perchudicioso ta os polmons debito a o feito de que en Europa por un regular se mezcla con tabaco, lo que fa que bi haiga una mayor presencia de gudrón en fer combustión.
Mas que mas ye producito en a rechión d'o Rif (Marruecos) y en Afganistán. No bi ha constancia de que produzca dependencia fisica, encara que s'ha descrito bel sindrome d'abstinencia en usuarios cronicos cuan interrumpen o suyo consumo, caracterizato por: ansiedat, irritabilidat, perduga d'apetito, tembletas y insomnio. A suya dependencia ye prencipalment psicolochica.