Crepaza

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pa la ferida en as mans, se veiga Crepaza (lesión).
Crepaza en un glaciar.

Una crepaza[1], crebaza[2][3] u crepa[1] (d'o latín < CREPARE)[4] ye una ubertura irregular entre dos piezas mal encaixatas. Ye tamién o espacio vueito que desepara dos partis d'un obchecto, una masa u una superficie trencata.

Gosa parlar-se de crepazas en a piel, en as paretz d'un edificio, en a tierra, en os glaciars, etc... Tienen orichens muit diferents y penden a sobén d'o puesto y a forma en que se producen, pero por un regular a suya causa ye a trencadura d'una superficie richida.

En a superficie d'a Tierra se producen por acción d'os movimientos tectonicos y –en edaz cheolochicament luent unas d'atras- han tenito grans dimensions. Se pueden decir tamién crepazas –sin estar-lo propiament- determinatas erosions provocatas por l'augua corrient en superficies muit cerenyas pero solubles, como en as calsineras.

En a piel y a fusta d'os árbols, entre atros, ye producita por a desaparición d'a humedat que li da flexibilidat.

En un suelo pavimentato u en un muro de mampostería se producen en asentar-se en o terreno a obra edificata, por defecto d'os alacez y pueden estar causa de ruina d'un edificio.

En un glaciar se producen por o desplazamiento d'a masa glacial sobre un fundo irregular y tamién por as diferents velocidaz de desplazamiento d'o chelo d'o glaciar, que s'eslisa mas a escape en as partis centrals que en as partis que frotan con o terreno u os costatos d'a val. Pueden tener entre bels poquez metros dica una mica mas de cincuanta, ya que por debaixo –y debito a la relativa plasticidat d'o glaciar- a gran presión d'a masa chelata lis emboza. Muito a sobén, con os nevazos, se creyan puents de nieu, que a vegatas cubren de tot a crepaza u nomás a suya superficie, estando a suya gordaria y solideza variables, representando un d'os periglos mas importants ta a practica de l'alpinismo.

Eixemplos d'uso[editar | modificar o codigo]

  • «N'hai una crepa por astí que bufa».[5]
  • «As crepas d'un cillo».[1]

Referencias[editar | modificar o codigo]

  1. 1,0 1,1 1,2 Fernando Blas Gabarda y Fernando Romanos Hernando, El Aragonés de Baixo Peñas; Institución «Fernando el Católico» + Gara d'Edizions, 2005. ISBN 84-8094-054-9
  2. (es) José María Satué Sanromán Vocabulario de Sobrepuerto: léxico comentado de una comarca despoblada del Altoaragón, Instituto de Estudios Altoaragoneses, 1991, ISBN 84-86856-48-5, p.35
  3. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602
  4. (es) María Pilar Benítez Marco L'ansotano. Estudio del habla del Valle de Ansó, Gubierno d'Aragón, 2001, ISBN 9788477538554, p.265
  5. Fernando Romanos y Fernando Sánchez. L'Aragonés de A Fueba. Bocabulario y notas gramaticals. Consello d'a Fabla Aragonesa, 1999. ISBN 36-86036-68-2.

Se veiga tamién[editar | modificar o codigo]