Correchidor

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un Correchidor yera un funcionario reyal, instituito en Castiella por Enrique III arredol de 1393, con misión de representar a la Corona en l'ambito municipal. As suyas funcions yeran bellas cuantas: representar a la monarquía a ran local, chestionar o desembolique economico y administrativo d'os municipios, presidir os concellos, dando valideza a las suyas decisions, estar chuez en primera u segunda instancia, etc. Desapareixioron en 1833 a l'inte que s'instauroron os Gubernadors politicos, en l'ambito administrativo, y se remodeló o sistema chudicial.

A palabra correchidor se conoix en aragonés por textos medievals como un pleito entre ganaders en l'aria de Molina d'Aragón y o Xiloca en o sieglo XV.:[1]

del deposant los jurados de Setiles a mano armada con provisión del Correchidor los cuales se tomaron XIII carneros del dicho Johan d'Ullo del término ...

En as colonias americanas, en especial Chile, os correchidors estampaban o suyo cargo en os documentos y en as ceremonias, indicando as facultaz que lis son investitas. De feito, una formula recurrent yera nombrar-se d'esta traza: "Justicia mayor y lugarteniente de capitán general", o que significaba que en os territorios on exerceban o mando, teneban tot dreito d'administrar chusticia y comandar fuerzas militars.

Con l'arribata d'os Borbons en Espanya a fegura d'o correchidor fue substituyida por una de mes amplas atribucions y prestichio: o intendent. En l'ambito mes local entroron en funcions os subdelegatos.

Referencias[editar | modificar o codigo]

  1. Jose Antonio Fernández Otal. Documentación medieval de la Corte del Justicia de Ganaderos de Zaragoza: y, Ordinaciones de la Casa de Ganaderos de Zaragoza del anyo 1511, Número 21. Institución "Fernando el Católico", 1995.