Biotecnolochía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Biotecnolochía ye o conchunto de disciplinas u ciencias que tien por obchectivo o estudio d'os sers vivos u partis d'os sers vivos ta d'obtener-ne biens y servicios. A suya aria d'estudio ye entre a biolochía, a bioquimica y a incheniería quimica y tien amás gran repercusión en a farmacia, medicina, microbiolochía, a ciencia d'os alimentos y l'agricultura, entre d'atros campos. O conoiximiento que tienen os biotecnologos, que fa de enlace entre a biolochía y a incheniería quimica, lis permite d'optimizar y levar a gran escala la sintesi de productos que afectan toz istos campos citatos.

Probablement o primero que emplegó iste termin estió Karl Ereky, incheniero hongaro en 1919.

Una sección d'a biotecnolochía ye l'uso dreito d'organismos ta la producción de produtos organicos (bels eixemplos en son a cerveza u os productos lactios). Actualment as bacterias son emplegatas en a industria menera en a biolixivación. A biotecnolochía tamién s'emplega ta o reciclache, tractamiento de residuos, limpieza d'as zonas contaminatas por actividaz industrials (biorremediación), y ta producir armamento biolochico.

Bi ha tamién aplicacions d'a biotecnolochía que no emplegan organismos vivos. Os microchips d'ADN feitos servir en os analís cheneticos en son un eixemplo. Bi ha muitismas producions que se fan con nomás a reacción d'as enzimas d'os microorganismos.

A biotecnolochía moderna s'asocia a sobén con l'uso d'os microorganismos cheneticament modificatos como o E. coli u a levadura Saccharomyces cerevisiae que s'emplega en a producción de sustancias como a insulina u os antibioticos. Tamién se puet referir a los animals transchenicos u plantas transchenicas, como lo panizo. Celulas animals modificatas como as de l'ovario d'o hamster chinés (CHO) entre muitismas atras son muit emplegadas por as industrias farmaceuticas. Actualment se ye prebando l'uso d'as plantas como bioreactors baratos.

A biotecnolochía tamién ye a ormino asociata con a rechira de nuevas terapias y dispositivos de diagnostico.

Campos d'a biotecnolochía[editar | modificar o codigo]

A biotecnolochía tien aplicacions en cuatre arias industrials prencipals: salut, producción de plantas y agricultura, usos no alimentarios de plantas y atros productos (por eixemplo: plastico biodegradable, aceite vechetal, biocombustible, ecetra.), y utilizacions medioambientals.

Por eixemplo, una aplicación d'a biotecnolochía ye a utilización dreita d'organismos ta la fabricación de productos organicos, como a cerveza u a leit. Unatro eixemplo ye a utilización de bacterias en a menería como en o caso d'a biolixiviación. A biotecnolochía tamién tien aplicacions en o reciclache, o tractamiento d'os residuos, a limpieza d'a contaminación orichinata por as actividaz industrials (biorremediación), y tamién puet producir armas biolochicas.

Bi ha una buena ripa de termins d'argot ta os subcampos d'a biotecnolochía. Amás, bi ha diversos termins puntuals atribuitos a lo suyo estudio (biotecnolochía animal, biotecnolochía vechetal, biotecnolochía microbiolochica...).

Biotecnolochía roya: biotecnolochía aplicata a los procesos medicos. Bels eixemplos son o disenyo de microorganismos adedicatos a producir antibioticos y o disenyo de curas cheneticas ta malautías a travies d'a terapia chenica u celular.
Biotecnolochía blanca, tamién conoixita como biotecnolochía grisa u biotecnolochía industrial ye a biotecnolochía aplicata a los procesos industrials. Un eixemplo ye o disenyo d'un organismo ta producir un compuesto quimico. Unatro eixemplo ye a utilización d'enzimas como catalizadors industrials tanto ta producir productos quimicos de valor como ta destruir produtos periglosos u contaminants. A biotecnolochía blanca tiende a consumir menos en recursos que os procesos tradicionals cuan s'emplega ta producir biens industrials.
Biotecnolochía verda ye a biotecnolochía aplicata a los procesos agricolas. Un eixemplo sería la selección y domesticación de plantas a traviés d'a micropropagación. Unatro eixemplo ye o disenyo d'un organismo transchenico ta creixer baixo unas condicions medioambientals especificas u en presencia (u ausencia) de bellas sustancias quimicas. Ye a faina d'ista biotecnolochía fer mas compatible a explotación agricola y o rispeto por o medio ambient. Actualment, bi ha muito debate arredol d'as plantas transchenicas concretas relacionatas con iste campo.
Bioinformàtica ye un campo interdisciplinario que mira de resolver problemas biolochicos por medio de tecnicas computacionals fendo posible una rapeda organización y analís d'os datos biolochicos. Iste campo tamién puet recibir o nombre de biolochía computacional, y que puet estar definita como a conceptualización d'a biolochía en termins de moleclas y l'aplicación de tecnicas informaticas ta entender y organizar a gran escala la información asociata con istas moleclas.^[1] A bioinformatica chuga un papel clau en cuantas arias de l'analís de chenomas como a chenomica funcional, a chenomica estructural u a proteomica.
O termin biotecnolochía azul ha estato tamién emplegato ta describir as aplicacions marinas y acuaticas d'a biotecnolochía, pero lo suyo uso ye relativament raro.
A la inversión y o gasto economico en toz istos tipo d'aplicacions d'a biotecnolochía li s'aplica o termin de bioeconomía.

Historia[editar | modificar o codigo]

Edat de Bronce - babilonians y echipcianos amilloran as razas de cerials por selección artificial. Tamién prencipia a creyar-se cerveza, vin y pan.
4000 aC - Os chineses prencipian a producir productos pareixitos a lo queso y o yogurt.
1590 - Invención d'o microscopio por Zacarías Janssen.
1665 - Robert Hooke emplega por primera vegata la palabra celula (en latín "cela chicota") en o suyo libro Micrographia.
1683 - Anton van Leeuwenhoek descubre os microorganismos.
1796 - Edward Jenner creya la primera bacuna.
1856 - Gregor Mendel descubre as leis de l'herencio.
1861 - Louis Pasteur define o rol d'os microorganismos y estableixe a ciencia d'a microbiolochía.
1885 - Louis Pasteur cautiva bacterias con a finalitat de fer-las servir ta vacunas. Tamién refucta la teoría d'a cheneración espontania y contrimostra la importancia d'os inoclos en os procesos biotecnolochicos fermentativos.
1919 - Karl Ereky, un incheniero hongaro fa servir o termin biotecnolochía
1953 - James D. Watson y Francis Crick describen a estructura de l'ADN
1965 - O biologo estausunidense Robert W. Holley «leyió» por primera vegata la información total d'un chen de levadura composata por 77 bases, por lo que recibió lo Premio Nobel.
1970 - O cientifico estausunidense Har Gobind Khorana reconstruye en o laboratorio un chen completo.
1973 - Se desarrolla a tecnolochía de recombinación de l'ADN por Stanley Cohen, d'a Universidat de Stanford, y Herbert Boyer, d'a Universidat de California, Sant Francisco.
1975 - Kohler y Milstein desarrollan o metodo de producción d'anticuerpos monoclonals
1976 - Har Gobind Khorana sintetiza una molecla de acido nucleico composata por 206 bases.
1976 - Robert Swanson y Herbert Boyer creyan Genentech, a primera companyía de biotecnolochía.
1980 - Producción d'insulina por medio d'a E coli
1992 - A Food Drug Administration (FDA), una institución publica nordamericana, aprueba os alimentos transchenicos producius por Calgene. Ye a primera vegata que s'autorizan alimentos transchenicos en os Estaus Unius
2000 - Primer esbozo d'o chenoma humán
2004 - A ONU y o Gubierno de Chile organizan o Primer Forum Global de Biotecnolochía, y a Ciudat de Concepción, Chile. (2 a lo 5 de marzo).

Lo que hue se conoixe como incheniería chenetica u ADN recombinant, estió parti d'o descubrimiento feito por Hamilton Smith y Daniel Nathans en l'anyo 1970 d'a enzima (restrictasa) capaz de reconoixer y tallar l'ADN en secuencias especificas, descubrimiento por lo que lis concedioron o Premio Nobel de Fisiolochía u Medicina, compartito con Werner Arber, en 1978. Iste descubrimiento dió orichen a lo desarrollo d'o que hue se conoixe como incheniería chenetica u Biotecnolochía, que permite de clonar cualsiquier chen en un virus, microorganismo, celula d'animal u de plantas.