Astronauta

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
L'astronauta y ministro espanyol Pedro Duque.

Un astronauta[1] ye una persona que viacheya per l'espacio exterior, difuera de l'atmosfera d'a Tierra, per alto d'a clamada linia de Kármán (a 100 km d'altaria). Dica noviembre de 2016, 552 personas de 36 países heban aconseguiu ixa linia.[2]

Terminolochía[editar | modificar o codigo]

En os países occidentals s'ha establiu lo nombre de "astronauta" procedent d'as palabras griegas ástron (ἄστρον) ("estrela") y nautes (ναύτης) ("marinero"). Per unatra parti en l'antiga Unión Sovietica (y posteriorment en Rusia) se prenió lo nombre de cosmonauta d'a chunta d'as palabras griegas kosmos (κόσμος), ("universo") y nautes (ναύτης) ("marinero"). Astronauta y cosmonauta son sinonimos encara que se gosa reservar cosmonauta pa los astronautas rusos u sovieticos.

En China s'emplega lo nombre Yǔ háng yuán (宇航员) pa denominar a los astronautas y cosmonautas en cheneral mientres que se fa servir Hángtiān yuán (航天员) pa nombrar a los astronautas chineses. Manimenos, bels meyos de comunicación de fabla anglesa han creyau la palabra taikonauta pa referir-se a los astronautas chineses y promana d'a chunta d'a palabra chinesa 太空 (tàikōng, "espacio") y la palabra griega ναύτης (naútēs, "marinero").

En cheneral se considera que un astronauta (u cosmonauta) ye una persona entrenada pa viachiar ta l'espacio. Manimenos, si viacheya ta l'espacio como pasachero se gosa nombrar como turista espacial.

Astronautas famosos[editar | modificar o codigo]

William Shatner se convirtió con 90 anyadas d'edat en octubre de 2021 en a persona de mas abanzada edat en viachiar ta l'espacio.

Referencias[editar | modificar o codigo]

  1. (an) Silbia Garcés Lardiés,Francho Rodés Orquín:Un borguil de palabras.Bocabulario dialeutal escolar, Gubierno d'Aragón, 2006, ISBN 84-689-7358-0, p.14
  2. (en) Astronaut/Cosmonaut Statistics en worldspaceflight.com