Antropolochía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Antropolochía -d'o griego anthropos (hombre) y logos (conoiximiento)- ye a ciencia que s'adedica a l'estudio d'a humanidat (Veyer: hombre). L'antropolochía s'adedica a l'estudio de toz os humanos, en todas as suyas dimensions. Un concepto basico de l'antropolochía ye o concepto de cultura y que a nuestra especie ha desenvolicau una capacidat universal de concebir o mundo simbolicament, d'amostrar y aprender ixos simbolos socialment y de transformar o mundo (y a nusatros mesmos) con l'aduya d'ixos simbolos.

L'antropolochía se trestalla tradicionalment en cuatre brancas:

• Antropolochía fisica, que estudia o comportamiento d'os primates (primatolochía), a evolución humana y a chenetica; ista branca ye tamién conoixita como antropolochía biolochica.
• Antropolochía cultural, (tamién dita antropolochía social u antropolochía socio-cultural). As brancas estudiadas por os antropologos culturals encluyen os rez socials, o comportamiento social, o dreito, a politica, a ideolochía, a relichión, as creyencias, os patrons de producción y consumo, os intercambios, a socialización, o chenero y atras expresions d'a cultura.
• Antropolochía lingüistica, que estudia as variacions d'o luengache a traviés d'o tiempo y o espacio, os emplegos socials d'o luengache, y a relación entre a luenga y a cultura.
• Arqueolochía, que estudia os materials remanents d'as sociedatz humanas. A sobén se considera como una branca cientifica diferent de l'antropolochía.

Vinclos externos

• Se veigan as imáchens de Commons sobre l'Antropolochía.