Radio (medio de comunicación)

Antena de radio.

A radio ye a transmisión de siñals a trabiés d'a modulazión d'ondas eletromagneticas con frecuenzias por debaxo d'a luz bisible. A radiazión eletromagnetica biacha por meyo de campos eletromagneticos oszilatorios que trescruzan l'aire e o espazio bazío. Ta tresportar a información, se fan cambiar bellas propiedaz d'as ondas radiatas, como l'amplitut, a frecuenzia u a fase a consonante con o siñal a transmitir (que contiene a información deseyada). Quan as ondas de radio pasan por un condutor eletrico, os campos oszilatorios induzen una corrient alterna en o condutor. Ixa corrient conserba a modulazión d'a onda radiada y por ixo, a información que carrían se puet desmodular e transformar en sonito u en atros siñals que portían información.