Ocupación

Simbolo okupa.

A okupazión ye un nombre con o cualo se conoxe l'azión d'apropiar-se d'un edifizio u puesto albandonato con a intinzión d'utilizar-lo como bibienda o puesto de trobata, dando a iste feito un carauter publico e rebindicatibo.

As presonas que okupan un edifizio son clamatos okupas.

A okupazión como busqueda de bibienda

Existen dibersas enchaquias por as que se gosa reyalizar una okupazión. En bels casos se tracta de familias, grupos de presonas u indibiduos que buscan un puesto a on poder bibir e no pueden u no quieren pagar un alquiler ni una empoteca. Ye un mobimiento sozial que rebindica o dreito a una bibienda dinna.

A okupazión como meyo de autochestión

Esisten numerosos casos d'okupazions promobitas por chen que busca creyar alternatibas culturals e asoziatibas en os bicos en os que biben, a trabiesas d'os clamatos zentros sozials okupatos. A suya finalidat ye creyar espazios autochestinatos dende an poder creyar autibidaz libres de presions economicas y politicas. Se organizan asambleyariament ta ebitar a creyazión de liders y suelen estar binclatos idiolochicamén a l'anarquismo u a bella tendenzia d'a ezquierda reboluzionaria.