Archent (Teruel)

Iste articlo ye sobre o municipio teruelano. Ta atros usos se veiga Archent (desambigación)

Archén (Argente en castellán) ye un municipio aragonés d'a provincia de Teruel, situato en a comarca d'a Comunidat de Teruel.

A suya población ye de 266 habitants (2003), en una superficie de 61,80 km² con una densidat de población de 3,85 hab/km².

Cheografía

Ye situato en Campo Bisiedo u Planas de Bisiedo, chunto a la Rambla d'a Foz, a 1.253 metros d'altaria dencima d'o ran d'a mar y a una distancia de 54,1 km d'a ciudat de Teruel, a capital d'a suya comarca y d'a suya provincia.

Historia

Fació part d'a Sexma del Campo de Visiedo.

Toponimia

En a Edat Meya o suyo nombre yera Argent, antigo nombre d'a plata en aragonés.

Molimentos

• Armita de Santa Quiteria d'Archent, d'estilo romanico d'o sieglo XII. Ye protechita legalment dende 2002 con a suya declaración como Bien d'Intrés Cultural
• Armita d'a Virchen d'o Campo, d'estilo gotico-renaixentista, d'o sieglo XVI. Ye protechita legalment dende 2002 con a suya declaración como Bien d'Intrés Cultural.

Fiestas

• Sant Antón (con foguera), 17 de chinero.
• Sant Roque, 16 d'agosto.