Diferencia entre revisiones de «Electromagnetismo»

De Biquipedia
Contenido eliminado Contenido añadido
EmausBot (descutir | contrebucions)
EmausBot (descutir | contrebucions)
m r2.6.4) (robot Añadido: mk:Електромагнетизам
Linia 53: Linia 53:
[[lb:Elektromagnetismus]]
[[lb:Elektromagnetismus]]
[[lv:Elektromagnētisms]]
[[lv:Elektromagnētisms]]
[[mk:Електромагнетизам]]
[[ml:വൈദ്യുതകാന്തികത]]
[[ml:വൈദ്യുതകാന്തികത]]
[[mn:Цахилгаан соронзон]]
[[mn:Цахилгаан соронзон]]

Versión d'o 01:48 9 chi 2011

Plantilla:Grafía 87

Fluyito ferroso que s'agrupa amán d'os polos d'un imán potent.

O eletromagnetismo ye a branca d'a fesica que estudeya os campos eletromagneticos, unos campos que exerzen una fuerza sobre as particlas con carga eletrica quan son afeutatos por a presenzia e o mobimiento d'istas particlas.

O campo magnetico se produxe por o mobimiento d'as cargas eletricas, como por eixemplo en o caso d'a corrient eletrica. O campo magnetico produxe una fuerza magnetica d'o mesmo tipo que la d'os imans.

Un campo magnetico en cambeyar produxe un campo eletrico, se tracta d'o fenomén d'a induzión eletromagnetica que s'emplega en o funzionamiento d'os cheneradors eletricos, os motors eletricos e os transformadors. D'una maniera pareixita, un campo eletrico cambeyando chenera un campo magnetico. Como consecuenzia d'ista interdependenzia entre os campos eletricos e magneticos, tien sentito considerar os dos como una unica entidat, u campo eletromagnetico.

Ista unificazión fue desembolicata por diferents fesicos en o curso d'o sieglo XIX e tenió lo suyo punto más important con os treballos de James Clerk Maxwell qui unificó los treballos anteriors en una sola tioría. Dimpués Oliver Heaviside simplificó e reformuló as ecuazions de Maxwell en a forma en que las conoxemos güé. Maxwell descubrió a naturaleza eletromagnetica d'a luz e, como consecuenzia, güe se considera que a luz ye una alterazión oszilatoria que se propaga en o campo eletromagnetico, como una onda eletromagnetica. As diferents frecuenzias d'oszilazión dan orichen a las diferents formas de radiazión eletromagnetica d'o espectro eletromagnetico, dende as ondes de radio a baxas frecuenzias a los rayos gamma a las más altas frecuenzias, pasando por a luz bisible a frecuenzias meyanas.

As implicazions tioricas d'o eletromagnetismo leboron a Albert Einstein a dembolicar a relatibidat espezial en 1905. O descubrimiento d'a mecanica quantica obligó a formular una tioría quantica d'o eletromagnetismo, completata en a decada de 1940 e conoxita como electrodinamica quantica. Plantilla:Destacato