Companyía de Chesús

Basilica de San Inazio en Loyola.

A Compañía de Chesús (en latín Societatis Jesu S.J.) ye una orden relichiosa catolica establita en 1540 por Inazio de Loyola, qui dimpués estió canonizato como Sant Inazio de Loyola, y reconoxita por o Papa Pablo III o 27 de setiembre de 1540. Os miembros d'ista orden se conoxen popularment como los chesuitas. Con bels 20.000 miembros, ye a orden más gran d'a Ilesia catolica de l'actualidat. A suya estrita formazión de más de 10 años (estudian filosofía e teolochía, antimás de reyalizar "prauticas" de dibersa naturaleza e estudiar diferents luengas) fazió que se combirtiesen mientres más de cuatro sieglos en os líders inteleutuals d'o catolizismo. Os chesuitas realizan os tres botos abituals d'a bida relichiosa (obedenzia, pobreza e castidat), pero antimás, adiben unatro boto d'obedenzia a lo Papa de Roma. A Compañía de Chesús ha estato una organizazión relichiosa que ha bibito entre l'alabanza e a cretica, pero siempre en a polemica.

Enrastres externos

• Chesuitas d'Aragón.