Avogau

Advogato francés de primerías d'o sieglo XX.

Advogato anglés de primerías d'o sieglo XX.

Un advogato (d'o latín advocatus) ye aquella persona, licenciata en Dreito y inscrita en un Colechio d'Advogatos, que exerce profesionalment l'asesoramiento y consello en materia legal asinas como a dirección y esfensa d'as partis en chuicios y toda clase de procesos chudicials y administrativos.

Os advogatos son os prencipals cooperadors u achents que intervienen en l'administración de chusticia.

L'advogato, por estar un profesional especificament parato y especializato en qüestions churidicas, ye a unica persona que puet ofreixer un enfoque adequato d'o problema que tien o ciudadan u 'chusticiable'. Cal destacar que amás d'a suya intervención en chuicios, una función basica y prencipal de l'advogato ye a preventiva.

Con l'asesoramiento, una correcta redacción d'os contractos y decumentos, etc, s'evitan conflictos, de forma que l'advogato, mas que ta os pleitos u chuicios, sirve ta no plegar a ells.

Atros colectivos profesionals prestan servicios parellans a os d'os advogatos, y se tracta de profesionals altament qualificatos, pero especializatos en l'asesoramiento u a chestión de qüestions u en materias muit concretas. L'unico profesional habilitato ta o tramite completo d'una qüestión chudicial ye l'advogato.

A traviés d'os Colechios d'Advogatos u d'os organismos pertinents (seguntes os países) existen servicios d'asistencia churidica gratuita ta os ciudadans que no disposan de meyos economicos.

L'actuación profesional de l'advogato s'alazeta en os prencipios de libertat y independencia. O prencipio de buena fe preside as relacions entre o client y l'advogato, que ye subchecto a o secreto profesional.

Se veiga tamién

• Advogato esfensor.
• Fiscal.
• Chuez.
• Notario.

Vinclos externos

• Se veigan as imáchens de Commons sobre os advogatos.
• (en) Asociación d'Advogatos en Internet.
• (es) Real e Ilustre Colegio de Abogados de Zaragoza.