Berrio Plano

Berrio Plano (Berrioplano en castellán, Berriobeiti en vasco) ye un municipio de Navarra situato en la comarca de la Cuenca de Pamplona. La suya población ye de 2.347 habitants (2006), en una superficie de 25,7 km² con una densidat de población de 91,32 hab/km².

Cheografía

Lo municipio ye formato por 10 concellos:

• Aizoáin
• Añézcar
• Artica
• Ballariáin
• Berrio Plano (Capital)
• Berrio Suso
• Elcart
• Larragueta
• Loza
• Oteiza de Berrio Plano.

Toponimia

N'un documento de 1205 se zita con lo toponimo de Berrio a una zona situata a lo norueste de la ziudat de Pamplona. Ixe toponimo s'ha relazionato prenzipalment con la palabra castellana barrio y con la palabra basca berri (nuevo). Alfonso Irigoyen proponió una esplicazión antroponomica a lo toponimo pensando que poderba deribar de lo ipotetico nombre de lo suyo antigo dueño, clamato Ferrino: Ferrino->Ferrio->Berrio, una evolución fonetica que ye consistent y posible seguntes los filologos.

En lo Libro de Rediezmo de 1268 amanixen mentatas 3 poblazions que leban lo nombre de Berrio: Berruoçarr (l'actual Berrio Zar), Berrio de Sus (Berrio Suso) y Berrio de Ius (Berrio Plano). Berriozar probien de Berrio Zahar (Berrio biello en idioma vasco), asinas que estió la primera de las tres poblazions y talment la que se clamaba Berrio solo dica que amanixioron las atras dos.

Berrio Suso y Berrio Plano son una a lo costato de l'atra, estando un poquet más alto la primera (465 m). Suso significa en aragonés meyeval d'alto y chuso significa baixo. Asinas i beyemos que la palabra plano sustituyó a chuso prenendo o significato que ye más baixo u en una zona més plana (como en los mons Perineus quan dizen me'n baixo ta tierra plana los pastors de las partes altas de las bals quan baixan ta las partes baixas de la mesma bal). Asinas lo nombre que ha preso lo castellán ye un toponimo que responde a la fonetica de lo romanze navarro.

Los nombres vascos de los dos lugars son Berriogoiti y Berriobeiti, literalment Berrio d'alto y Berrio de baixo, y s'han conserbato en la Bal d'Uzama.

En 1991 quan se creya un municipio con la més gran parte de los concellos de la zendea d'Ansoáin, y mancando atro millor, s'eslió Berrioplano por estar este lugar on ye la casa lugar.

Se beiga tamién

• Lista de municipios de Navarra