Monofisismo

O monofisismo (d'o griego μονος, monos, "uno", e φυσις, physis, "naturaleza") ye una doctrina teolochica que sostién que en Chesús només ye present a naturaleza divina, pero no a humana.

O dogma ortodoxo d'a Ilesia Catolica sostién que en Cristo bi ha dos naturalezas, a divina y a humana «sin deseparación» y «sin confusión», seguntes o Primer Concilio de Nicea (325). Manimenos, o monofisismo mantién que en Cristo trobamos as dos naturalezas, «sin deseparación» pero «confunditas», d'una traza que a naturaleza humana desapareixe, absorbita, en a divina.

Ilesias monofistas

O Concilio de Calcedonia no fue aceptato ni por as congregacions echipcias, ni sirianas, que orichinoron a Ilesia Ortodoxa Copta y a Iglesia Ortodoxa Siriana

A més os nimbiatos armenios, que plegoron tarde a lo Concilio, tampoco no lo aceptoron amaneixendo a Iglesia Apostolica Armenia.

A Iglesia Ortodoxa Malankara, a Iglesia ortodoxa etiope y a Iglesia Ortodoxa d'Eritrea tamién siguen doctrinas monofisitas.