Belleza

O Doriforo de Policleto ye o cánon estetico más conoxito de l'antigüidat. Copia romana de marbre d'o Museu Arqueolochico Nazional de Nápols

A belleza u polideza, a tamas d'o intrés común cuasi unibersal que preboca, mos resulta dificil de comprender. Buscar una definizión d'iste conzeuto no ye una faina fázil, ya que o conzeuto sería una cosa que poderbanos quitar en común de totas as cosas que consideramos politas. Muitos autors consideran que a belleza ye lo que resulta agradable a los sentitos e que por tanto causa plazer, pero no tot o que mos causa plazer tien por qué estar polito.

Unatro problema que presenta definir a belleza ye que se puet enfocar como as cualidaz que mos resultan agradables e que se sienten fazilment en veyer cualsiquier cosa, u como a emozión que despierta en nusatros. A primera apreziazión ye más ochetiba, ya que as cualidaz gosan veyer-se más rapedas, pero as emozions que mos pueden prebocar, son una mica más intimas e presonal, e por tant más suchetibas.

A belleza ye un conzeuto / cualidat abstrata e suchetiba (lo que ta uns ye polito t'atros puet no estar-lo) present en l'esmo d'os sers umans que produze un plazer inteno, e probiene de manifestazions sensorials u ideyals. Plantilla:Destacato