Tambor

Tambor africán

Un tambor ye un estrumento de percusión membranofono que consta d'una caxa de resonanzia, por un regular de forma zelindrica, e una (o dos) membrana que cubre a ubertura d'a caxa.

Un tambor gosa estar una caxa metalica con dos arez en as suyas bases a on que sochetan os dos membranas, una que se diz "redoblant" e l'atra que ye o "bordonero". Sobre os arez se meten un atros aros más grans que se fan serbir ta tensar as membranas. Os bordons se meten baixo a membrana inferior u bordonero ta que o tambor suene millor. D'antis más as ditas membranas se feban de piel, pero güé gosan estar de plastico.

A sobén, pendendo d'o tipo, lo tambor se tañe con a mán u con bel ocheto, prenzipalment baquetas u escobiellas.

Tambors en Aragón

O tambor, chunto con o bombo, ye un estrumento muit relacionato con Aragón. Güé se tañe en Semana Santa arredol de tota la cheografía aragonesa, pero l'orichen d'o suyo emplego en istas fiestas se troba en o Baixo Aragón. Os lugars a on que millor s'alza ista tradizión son os que forman a Rota d'o tambor e o bombo: Albalat, Alcañiz, Alcorisa, Andorra, Calanda, Íxar, La Puebla d'Íxar, San Per e Urreya de Gayén.

Os tambors e bombos se diz que plegoron ta o Baixo Aragón en a Edat Meya con as Ordens Melitars.

Bariedaz

Os entrumentos de tipo tambor son os estruments de percusión más comuns. Bels d'istos son:

• Bombo
• Bongó
• Caxa
• Conga
• Darbuka
• Redoblant
• Taiko
• Timbal
• Tumbadora

Enrastres externos

• Se veigan as imáchens de Commons sobre os tambors.
• (es) www.rutadeltamborybombo.com