Río Algars

L'Algars ye un río aragonés y catalán, afluent de lo río Matarranya que fa de muga entre Catalunya y Aragón en muitos tramos.

Naixe en los Puertos de Bezeit entre os termins de Bezeit y Arnes en un puesto con confluyencia de barrancos. Pasa por los termins de Bezeit, Arnes, Cretas, Horta de Sant Joan, Ledón, Arens de Ledón, Caserras, Calazeit, Batea, Maella, Favara y Nonasp.

Cheomorfolochía

Tien un rechimen torrencial y ya en lo tramo a man d'Arnes tien muita glera. Dende de Arens de Ledón prene un trazato d'auguastuertas dica la suya desembocadura en lo Matarranya en lo lugar de Nonasp.

Bi ha uns sedimentos aluvials continos dende la cuenca alta de lo río Algars a lo sud de lo Toll d'en Vidre dica Bezeit pasando por totz los arredols de lo Barranc del Ferreret Brut y Baixo Ulldemó dica plegar ta lo Matarranya en Bezeit que endican que enantes la cuenca alta de lo río Algars desauguaba ta lo río Matarranya en Bezeit y que dimpués lo mayor poder d'erosión remontant d'un Algars mes curto fació que este se fese mes luengo esgarrapando enta lo sud dica cauturar la suya cuenca actual y las suyas fuents. Ixas fuentes dixoron de desauguar ta lo Matarranya pasando por lo Baixo Ulldemó y Barranc del Ferreret Brut, pero quedan encara sedimentos fluvials con muitos ruellos de glera a considerable altaria que testimonian l'anterior trazato.

Fauna

Destaca por tener una población de loiras que ye de las millor conservatas de Catalunya.