Acueducto

Gallipuent u aqüeducto ye un sistema u conchunto de sistemas acoflatos que permite lebar augua en forma de fluixo contino dende un puesto que bi n'ha dica un puesto luent on s'espleita.

Gallipuent de Segovia

Denominacions

Seguntes atra interpretación lo suyo nombre bien ye relacionato con puent y con gallón, car muitos gallipuents en zonas de regano se feban con tierra y yerbas. Manimenos la existencia de lo toponimo Vallipont en Castellot mos permite pensar que gallipuent provienga de "puent de val". En Aragón los gallipuents tamién se dicen canals. La denominación en latín aquaeductum probién de la parabra AQUA y lo berbo DUCERE, ("que leba augua").

A parte sotorrana d'un aqüeducto recibe en aragonés a denominación de "canyo".

Gallipuents en Aragón

Os gallipuents romans d'Aragón no son tan espectaculars como los gallipuens urbans de Segovia, Les Ferreres de Tarragona y Pont du Garde en Francia. Eixemplos de gallipuents romans en Aragón son Los Bañales de Sadaba, u lo Puent de los Tres Uellos en Cervera de la Canyada facil que relacionato con l'abastimiento d'augua pa Bilbilis.

D'epoca musulmana tenemos o Arco de la Mora en Zuera. D'epoca renaixentista tenemos Los Arcos en Teruel. En Alloza bi ha un gallipuent rural bien conservato. Lo termino a sobén se troba fosilizato en a toponimia, por eixemplo ye lo caso de lo Pantano de Gallipuent.

Bibliografía

• Carlos Blázquez y Tomás Sancho OBRAS HIDRÁULICAS EN ARAGÓN. CAI.