Diferencia entre revisiones de «La Penilla»
mSin resumen de edición |
mSin resumen de edición |
||
Linia 32: | Linia 32: | ||
{{Lugars d'A Fueva (municipio)}} |
{{Lugars d'A Fueva (municipio)}} |
||
[[Categoría:Lugars de Uesca]] |
[[Categoría:Lugars de Uesca\|Peniella]] |
||
[[Categoría:Lugars de Sobrarbe]] |
[[Categoría:Lugars de Sobrarbe|Peniella]] |
||
[[Categoría:Lugars afectatos por o entibo de Lo Grau|Peniella]] |
Versión d'o 15:15 12 nov 2010
A Peniella (en castellano y oficialment «Lapenilla»[1]) ye un lugar aragonés d'o municipio d'A Fueva, en a comarca d'o Sobrarbe y a provincia de Uesca. Actualment ye despoblau[1].
Se troba en una altura menuda, como cerro d'as estribacions meridionals d'a sierra d'o Turón, en a val d'a Cinca y, en l'actualidat, chunto a la ribera de l'entibo de Lo Grau. Fa parte d'a cuenca d'o barranco de Clamosa (significativament, tamién dito «de A Peniella»), en a ripa cuentra d'á on ye Clamosa. Fayó parte d'o municipio de Clamosa dica l'absorción en A Fueva en a decada de 1960[2], conseqüencia d'a total despoblación d'os dos nuclios más grans que en feban parte, Clamosa y a propia Peniella.
A Peniella ye o zaguer nuclio en a comarca d'o Sobrarbe por o sud, respective a lo corso d'o río Cinca, pus a 1 kilometro más auguas t'abaixo d'o lugare o río pasa a estar a muga d'entre o Semontano (Mipanas) y a Ribagorza, por debant de l'aldeya de Pui de Cinca. L'acceso se fa posible por una pista asfaltada que naixe en o lateral d'a carretera local HU-V-6441 de Graus ta Troncedo en pasando por Pano.
Como muitos altros lugars de l'Alto Aragón, A Peniella pareix que presenta una estructura defensiva que posiblement se remonta a la Edat Meya. En o cabo d'alto d'o lugar, a 670 metros d'altaria, se troba un palacio u casal fuerte[3] que recibe o nombre de Casa O Sinyor, que en chunto con a ilesia ye un d'os atractivos d'o lugar[3], anque en l'actualidat se troba en runas[3].
Fiestas
- 6 de chinero, fiesta d'hibierno, en celebración d'a Epifanía de Betlem[4].
- Lunes de Pasqua, romería t'a ermita de Sant Martín[4].
- 13 d'agosto, Fiesta Mayor, fendo-le honras a Sant Hipolito[4].
Referencias
- ↑ 1,0 1,1 (es) «Lapenilla» en a subpachina «Relación de unidades poblacionales» d'o Instituto Nacional de Estadística, consultada l'11 de noviembre de 2010.
- ↑ (es) «Clamosa» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'11 de noviembre de 2010
- ↑ 3,0 3,1 3,2 (es) «Lapenilla» en Despoblados en Huesca, consultada l'11 de noviembre de 2010
- ↑ 4,0 4,1 4,2 (es) Calandario de fiestas en a pachina oficial de l'achuntamiendo d'A Fueva; consultada l'11 de noviembre de 2010.
Lugars d'o municipio d'a Fueva | |
---|---|
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | A Cuesta | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniás | Montero | A Mula | Muro de Roda | A Nau | A Olivera | O Pamporciello | La Penilla | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa |