Diferencia entre revisiones de «Clasificación climatica de Köppen»

De Biquipedia
Contenido eliminado Contenido añadido
 
Linia 75: Linia 75:


[[ar:أقاليم مناخية]]
[[ar:أقاليم مناخية]]
[[ca:Classificació climàtica de Köppen]]
[[cs:Köppenova klasifikace podnebí]]
[[cs:Köppenova klasifikace podnebí]]
[[da:Köppens klimaklassifikation]]
[[da:Köppens klimaklassifikation]]

Versión d'o 20:31 6 nov 2010

Simplificación esquematica d'a clasificación climatica de Köppen.

   Clima tropical humedo

   Clima d'a sabana

   Clima semidesertico

   Clima desertico

   Clima templato humedo

   Clima subtropical humedo

   Clima continental humedo

   Clima transsiberián

   Clima fredo de verano ixuto

   Clima d'a tundra

   Clima d'a capa de chelo

A clasificación climatica de Köppen ye un d'os sistemas de clasificación d'o clima mas emplegatos.

Lo fació Wladimir Köppen arredol de l'anyo 1900, efectuando ell mesmo revisions posteriors en os anyos 1918 y 1936. Tamién i colaboró, en menor mesura, Rudolf Gieger.

Köppen parte d'a hipotesi que a vechetación espontania refleixa fidelment o clima d'un puesto determinato.

O sistema de clasificación combina as meyanas de temperatura y precipitación y a estacionalidat d'ista zaguera. Se i estableixen 5 grupos prencipals (designatos con letras mayusclas: A,B,C,D,E) y o patrón d'a precipitación y atras caracteristicas indicatas con letras minusclas. w: winter (precipitación predominant d'hibierno) u s:summer (precipitación predominant de verano).

Grupo A

Clima tropical, temperatura meyana d'o mes mas fredo superior a 18 °C.

Subdivisions d'o clima tropical:

  • Clima tropical pluvioso de selva humeda, con totz o meses con pluviometria superior a 60 mm (Af) (por eixemplo Singapur)
  • Clima tropical monzonico, a on a mayor parti d'a precipitación se concentra en verano (Am) (por eixemplo Bangladesh).
  • Clima tropical con estación ixuta i estación humeda, y clima d'a sabana (Aw)

Grupo B

Climas ixutos arido y clima semiarido, caracterizatos por o feito de que a precipitación total anyal ye menor que a evaporanspiración potencial.

Subdivisions:

Grupo C

Clima templato, caracterizato por temperaturas d'os meses mas calidos por dencima de 10 °C mientres o mes mas fredo ye superior a -3 °C.

Subdivisions d'o clima templato:

  • Clima mediterranio (Csa, Csb), situatos en aries reducitas a la parti occidental d'os continents, presentan secuera en verano.
  • Clima subtropical humedo (Cfa, Cwa), parellán en temperatura a os anteriors pero sin de sequera en verano.
  • Clima templato maritimo (Cfb, Cwb), situatos en o caso d'Europa a o norte d'os climas mediterranios, son humedos tot l'anyo y con temperaturas moderatas, veranos frescos.
  • Clima maritimo subartico (Cfc) u os tipos de clima fredos, situatos a o norte d'os anteriors como eixemplo o clima d'Islandia.

Grupo D

Clima continental, temperatura por dencima d'os 10 °C en os suyos meses mas calidos y o mes mas fredo por debaixo de -3 °C.

Subdivisions d'o clima continental:

  • De verano calido (Dfa, Dwa, Dsa), Asia y Norteamerica entre as latitutz 30 y 40. Eixemplo: Chicago.
  • Continental de verano no tan calido, por debaixo de 20 °C o mes mas calido pero por dencima de 15 °C (Dfb, Dwb, Dsb). Eixemplo: Estocolmo.
  • Continental Subartico u clima fredo (a taiga) (Dfc, Dwc, Dsc). Eixemplo: Quebec.
  • Clima continental subartico con hibiernos muit fredos (Dfd, Dwd), nomás se troba a l'este de Siberia. Eixemplo Verkhoyansk.

Grupo E

Clima Polar, caracterizato por temperaturas meyanas por debaixo de 10 °C en totz os meses de l'anyo.

Subdivisions d'o clima polar:

  • Clima de tundra (ET), o mes mas calido tien una temperatura d'entre 0 y 10 °C. Eixemplo Longyearbyen en as islas Svalbard.
  • Clima de casquet polar (EF), con os dotze meses de l'anyo con temperaturas meyanas por debaixo de 0 °C. Ye o clima d'a mayor parti de l'Antarctida y o interior de Gronlandia.
Carta Mundial d'a Clasificación Climatica de Koppen-Geiger.

Se veiga tamién

Vinclos externos