Diferencia entre revisiones de «Unión Europea»

De Biquipedia
Contenido eliminado Contenido añadido
Linia 233: Linia 233:
{| border="1" cellpadding="1" cellspacing="0" style="margin: 0 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%;"
{| border="1" cellpadding="1" cellspacing="0" style="margin: 0 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%;"


! Estato !! Anyada de ingreso !! Población en millons !! Aria (km²) !! [[PIB]] ([[Millardo]]s [[Euro]]) [[2003]] !! PIB percapita (Euro) !! PIB contimparativo (EU15=100) !! Posientos en lo [[Seisena lechislatura d'o Parlamento Europeu|Parlamento 2004]]
! Estato !! Anyada de ingreso !! Población en millons !! Aria (km²) !! [[PIB]] ([[Millardo]]s [[Euro]]) [[2003]] !! PIB percapita (Euro) !! PIB contimparativo (EU15=100) !! Posientos en o [[Seisena lechislatura d'o Parlamento Europeu|Parlamento 2004]]
|- align="center"
|- align="center"
! align="left"|[[Alemanya]]
! align="left"|[[Alemanya]]

Versión d'o 12:37 4 nov 2010

Plantilla:Grafía 87 Plantilla:Infobox Organizazión Cheopolitica

La Unión Europeya u UE, ye una organización supranacional formata por estatos d'a rechión europeya (actualment 27) adedicata a incrementar la integración economica e politica e a reforzar la cooperación entre los suyos estatos miembros. La Unión Europeya naxió lo 1 de novembre de 1993, seguntes las clausulas d'o Tratato de Maastricht, encara que ye la heredera d'a Comunidat Economica Europeya, creyata en 1957, que desapareixió con la creyación d'a UE.

Con lo Tractato d'a Unión Europeya, se otorgó la ciudadanía europeya a los ciudadans de cada Estato miembro. S'intensificoron los alcuerdos duaneros e sobre inmigración con lo fin de premitir a los ciudadans europeus una mayor libertat ta vivir, treballar u estudiar en cualsiquier d'os estatos miembros e se relaxoron los controls en las mugas.

Las especials relacions politicas se traducen en l'establimiento d'un mesmo Ordenamiento Churidico común, superior a las lechislacions nacionals, e en l'esistencia e funcionamiento d'os suyos organimos politicos e institucións, superiors a los d'os estatos miembros.

Los 27 estatos actualment miembros d'a Unión Europeya (con a suya calendata de dentrada) son: Alemanya (1957), Austria (1995), Belchica (1957), Bulgaria (2007), Chipre (2004), Dinamarca (1973), Eslovaquia (2004) , Eslovenia (2004), Espanya (1986), Estonia (2004), Finlandia (1995), Francia (1957), Grecia (1981), Hongría (2004), Irlanda (1973), Italia (1957), Letonia (2004), Lituania (2004), Luxemburgo (1957), Malta (2004), Países Baixos (1957), Polonia (2004), Portugal (1986), Reino Unito (1973), Republica Checa (2004), Rumanía (2007) y Suecia (1995). Autualment, con los suyos cuasi 500 milions d'habitants, la Unión Europeya creya arredol d'o 30% d'o Producto Interior Bruto mundial.[1]

Dica güé, Gronlandia (parte de Dinamarca) ye lo unico territorio en albandonar la Unión Europeya dimpués de en fer parte, encara que Noruega refusó en 1972 y 1994 en dos referendums la suya dentrada, luego de rematar los alcuerdos previos a la suya encorporación a la UE.

Historia

Enamplatas d'a Unión Europeya en a suya historia.

Articlo prencipal: Historia d'a Unión Europeya

Orichens

En rematar la Segunda Guerra Mundial, prenioron fuerza en Europa antigas concecions de tipo politico que pensaban que una mayor integración economica d'os países d'Europa portaría a evitar las friccions entre ixos países, fendo asinas más difícil una nueva guerra en lo continent. Antiparte, los Estatos Unitos, ta evitar la espansión ta los países occidentals d'o comunismo dende a Unión Sobietica, establioron lo clamato Plan Marshall, ta faborecer la espansión e recuperación economica europeyas. E ista aduya d'o Plan Marshall, ta estar eficaz, febe imprescindible establir mecanismos de cooperación entre las economías d'os países europeus.

En 1948 en Checoslovaquia bi habió lo clamato golpe de Praga, quan lo Partito Comunista de Checoslovaquia prenió lo poder en lo país, e los países d'Europa Occidental establioron lo 18 de marzo de 1948 o Tratato de Bruselas, ta establir una Unión Occidental, con colaboración en temas economicos, socials, culturals e esfensivos. Los países que sinnaron lo Tractato estioron Países Baixos, Belchica, Luxemburgo, Francia e o Reino Unito. Encara que dimpués s'establió (en 1949), con más miembros e con l'aduya de Canadá e Estatos Unitos a OTAN, lo Tractato de Bruselas estió un punto clau en lo proceso de creyación d'una Europa unita.

La Comunidat Economica d'o Carbón y de l'Acero

Os países fundadors d'a Comunidat Economica d'o Carbón y d'o Azero y d'a Comunidat Economica Europeya (UE-6).

Ya en 1946, en una reunión en Colonia entre lo francés Robert Schuman, lo alemán Konrad Adenauer e lo italián Alcide De Gasperi se charró d'a posible unión europeya, quan yeran en una reunión de partitos democrata cristians. Lo 9 de mayo de 1950, Robert Schuman fació la Declaración Schuman, que ye considerata l'acta de naxencia d'a Unión Europeya, e bi proponeba, d'alcuerdo con Jean Monnet, la creyación d'un organismo ta meter en común la producción de carbón e d'acero de Francia e d'Alemanya Occidental, a más de cualsiquier país que se i adibiese.

Asinas, la primera institución de cooperación economica entre los países d'Europa estió la Comunidat Economica d'o Carbón e d'o Acero (CECA), establita en 1957, que teneba a finalidat de coordinar las economías nacionales en los seutors economícos d'a minería d'o carbón e d'a industria siderurchica pesata, ta la fabricación d'acero. Los países fundadors d'ista comunidat economica estioron Belchica, Países Baixos, Luxemburgo, Francia, Italia e Alemanya Occidental. Sindembargo, lo Tractato que establió la comunidat feba referencia a la voluntat politica d'una federación europeya, estando asinas lo primer paso enta l'actual Unión Europeya.

A Comunidat Economica Europeya

En 1957, los mesmos países sinnaron lo Tractato de Roma, ta establir a Comunidat Economica Europeya (CEE), que se definiba como un mercato común u unión duanera ta permetir en lo suyo interior la libre circulación de mercaderías e de presonas, fomentar la cooperación economica e aumentar lo ran de vida d'os suyos ciudadans nacionals. Tamién s'establió lo Euratom u Comunidat Europeya d'a Enerchía Atomica, con los mesmos estatos miembros. Ye la clamata CEE-6 u Europa d'os 6.

Antiparte, tamién se creyaron los alacetz d'a ideya d'a libre competencia e, encara més important, d'o posterior desarrollo d'unas lais comuns a totz los estatos miembros en unas mesuras d'integración lechislativa ta faborecer la integración economica e politica.

1973: primena enamplata d'a CEE

En dentrar Dinamarca, Irlanda e lo Reino Unito, esdebién la Europa d'os 9.

En 1973 se fació la primera enamplata d'a CEE, en dentrar Dinamarca, Irlanda e lo Reino Unito, luego de superar-se las reticencias francesas cuentra la dentrada en la CEE d'os britanicos, que heban feito que Francia en vetase la suya dentrada en 1966 e 1967 ta salbaguardar la suya producción agricola, encara que tamién por motivos politicos. Tamién yera prevista la dentrada de Noruega, encara que en un referendum la población noruega refusó la encorporación d'o suyo país a la CEE.

Con Dinamarca dentró lo suyo territorio de Gronlandia, que albandonó dimpués la Unión Europeya, encara que fa parte de Dinamarca. Ista enamplata estió la primera d'as sucesibas enamplatas, e encorporó a la CEE dos países economicament muit avanzatos (Dinamarca y o Reino Unito), reforzando a más lo seutor d'a CEE de l'Ocián Atlantico. Sindembargo, daneses y britanicos estioron dende la suya dentrada en la CEE parte d'os clamatos países euroescepticos, reticens a la crexencia d'as institucions politicas europeyas. Ye la clamata CEE-9 u Europa d'os 9.

1981-1986: segunda enamplata d'a CEE

A Europa d'os 12.

Los países europeus d'a mar Mediterrania (Grecia, Espanya e Portugal) preteneban dentrar en a CEE dende feba anyadas, pero lis mancaba uno d'os requisitos fundamentals, como yera la esistencia d'un sistema politico interno de tipo democratico: en Grecia bi eba la clamata Ditadura d'os Coronels, en Portugal bi eba la ditadura de António de Oliveira Salazar (e dende 1968, de Marcelo Caetano), e en Espanya la ditadura de Francisco Franco.

Sindembargo, a meyatos d'os años 1970 istos tres países plegaron a un sistema democratico, encara que por vías diferents: en Grecia, luego de fracasar lo intento d'anesión de Chipre por la invasión d'ista isla por Turquía, cayó la ditadura en 1974, y se restablió un sistema democratico, abolindo a más la monarquía. En Portugal, un golpe d'estato d'os melitars más chobens e ubiertos en un marco de crisis por las guerras colonials, fació cayer la ditadura, lo 25 d'abril de 1974, en la clamata Revolución d'os Clabels. En Espanya, o 20 de novembre de 1975 morió lo ditador, e encara que bellos elementos reacionarios d'o rechimen tentaron d'ebitar-lo, en 1977 s'aprobó la Constitución espanyola de 1977, restablindo lo sistema democratico.

En ixas condicions, la dentrada d'istos tres países en a CEE yera imprescendible ta enamplar la base economica, territorial, social e politica d'a propia CEE, encara que tamién ta saldar, a lo menos parcialment, la deuda d'os países europeus en permetir la continidat d'as ditaduras en ixos países dica los años 1970. Asinas, luego d'adaptar las suyas economías en un proceso de converchencia economica con Europa, en 1981 dentró Grecia, e en 1986 dentroron Espanya e Portugal, creyando asinas la clamata CEE-12 u Europa d'os 12, ubrindo la CEE a lo sur mediterranio.

Acta Unica Europeya

Lo tractato de l'Acta Unica Europeya fue sinnato lo 17 de febrero de 1986 en la ciudat de Luxemburgo (Luxemburgo) e lo 28 de febrero en Den Haag (Países Baixos), nomás mes e meyo dimpués de dentrar Espanya e Portugal, ta dentrar en vigor lo 1 de chulio de 1987. Los suyos puntos prencipals estioron l'avance enta un sistema de libre comercio en la CEE dirichito enta un verdadero mercato común, l'aparición d'a ideya de Cooperación Politica Europeya (antecedent de l'actual Politica Esterior e de Seguridat Común d'a UE) e lo reforzament d'a cooperación entre los estatos miembros en los campos d'a rechira, la tecnolochía, lo meyo ambient, la seguridat e la esfensa.

L'Acta Unica Europeya estió un paso fundamental enta la posterior constitución d'a Unión Europeya.

Tractato de Maastricht

Mapa d'as enamplatas d'a UE.

La sinnatura d'o Tratato de Maastricht en 1992 estió unatro paso fundamental enta lo proceso d'unificación europeya, estando un tractato seguntes lo cual los países miembros d'a CEE cediban importants parcelas d'a suya propia soberanía a las institucions europeyas, como lo Parlamento Europeu, muit reforzato por iste Tractato, encara que se reforzaban tamién las politicas de cooperación en temas economicos y socials. A más, la CEE esdebenió formalment la Unión Europeya (UE). Tamién se remató lo proceso d'unión monetaria europeya, creyando lo Banco Central Europeu e la moneta unica, lo euro.

1995: tercera enamplata

A Europa d'os 15.

En 1995 dentraron en la Unión Europeya Suecia, Finlandia e Austria, en a clamata UE-15 u Europa d'os 15, dentrando asinas tres d'as democracias más estables d'o continent, con sistemas politicos e socials muit avanzatos.

2001: Moneda unica, Tratato de Niza e cuatrena enamplata

A Europa d'os 25.

Lo 2 d'octubre de 1997 se sinnó en a ciudat neerlandesa d'Amsterdam lo Tratato d'Amsterdam, que yera una revisión d'o Tratato de Maastricht de 1992. Se preteneba la profundización d'a linia anterior, millorando la posición d'os ciudadans como elements fundamentals d'o proceso de construcción europeu. Tamién se preteneba millorar lo proceso de presa de decisions en la Unión Europeya, imprescindible en una Europa d'os 15 con muitas posibilidatz de doblar lo suyo numero de países miembros.

En 1998 prencipió la moneta unica, lo euro, que prencipió a circular fisicament como moneta común (encara que no pas ta totz los miembros) en 2002. Antiparte, con la sinnatura en 2001 d'o Tratato de Niza, se metieron los alacetz d'a cuatrena gran enamplata de miembros d'a UE en 2004, la mayor d'a suya historia dica güé, plegando dica los 25 miembros (UE-25 u Europa d'os 25).

2007: cinquena enamplata

A Europa d'os 27.

En 2007, en dentrar Rumanía e Bulgaria, la UE plegó dica 27 miembros (UE-27 u Europa d'os 27).

Situación autual e países candidatos

Situazión actual:miembros y candidatos.

Institucións e politica

Articlo prencipal : Instituzións y politica en a Unión Europeya

L'UE cuenta con cinco institucións, cada una d'eras con una función especifica:

Antimás cuenta tamién con cinco importans organismos: lo Banco Central Europeu, lo Comité Economico e Social Europeu, lo Comité d'as Rechions, lo Banco Europeu d'Inversions, la Esfensoría d'o Pueblo Europeu e la Europol.

Cheografía

Articlo prencipal: Zona natural d'a Unión Europeya

La Unión Europeya tien una superficie total de 3.973.597 km². Muga con Noruega, Rusia, Belarrusia, Ucraína, Moldabia, Turquía, Suiza, Croacia, Albania, Serbia, Macedonia, Andorra, San Marino, Liechtenstein, Múnegu, Ciudat d'o Vaticano y Marruecos.

Países e territorios d'ultramar

Los países e territorios d'ultramar (PTU) son países que no fan parte d'o territorio comunitario (a diferencia d'os DU); Los ciudadans d'os PTU tienen la nacionalidat d'os Estatos miembros de que dependen ( sindembargo, en bels casos los suyos ciudadans no poseyen la ciudadanía plena de tals Estatos ).

Esisten vente países e territorios d'ultramar:

  • País que tien relacions especials con lo Reino de Dinamarca: Gronlandia.
Estatos
Idioma local *
Alemanya Deutschland DE
Austria Österreich AT
Belchica Belgique BE
Bulgaria Bălgarija BG
Chipre Kypros CY
Dinamarca Danmark DK
Eslovaquia Slovensko SK
Eslovenia Slovenija SI
Espanya Espanya ES
Estonia Eesti EE
Finlandia Suomi FI
Francia France FR
Grezia Ellada GR
Irlanda Éire IE
Italia Italia IT
Letonia Latvija LV
Lituania Lietuva LT
Luxemburgo Luxembourg LU
Malta Malta MT
Hongría Magyarország HU
Países Baixos Nederland NL
Polonia Polska PL
Portugal Portugal PT
Reino Unito United Kingdom UK
Republica Checa Česká republika CZ
Rumania România RO
Suezia Sverige SE
Sin calendata
ARYM** ** **
Croacia Hrvatska HR
Turquía Türkiye TR

Rechión ultraperiferica d'a Unión Europeya

Departamentos franceses d'ultramar: Guayana Francesa (GF) - Guadalupe (Francia) (GP) - Reunión (RE) - Martinica (MQ)
Rechions Autonomas de Portugal: Madeira (Mad) - Azores (Azo)
Comunidat autonoma espanyola d'as Islas Canarias (Can)


(*)= Abrebiadura - Siegla
(**)= ARYM= Antigua Republica Yugoslava de Macedonia (Republica de Macedonia).

Estadisticas

Lista organizata en orden descendén d'alcuerdo a lo numero d'habitans de cada país. Ista cifra ye la suya begada proporcional a lo numero de posientos que cada país tien en lo Parlamento Europeu.

Estato Anyada de ingreso Población en millons Aria (km²) PIB (Millardos Euro) 2003 PIB percapita (Euro) PIB contimparativo (EU15=100) Posientos en o Parlamento 2004
Alemanya 1958 / 1990 82,4 357.021 2.129,2 25.840 96,8 99
Francia 1958 64,1 547.030 1.557,2 26.128 101,8 78
Reino Unito 1973 60.3 244.820 1.588,7 26.791 109,8 78
Italia 1958 57,3 301.320 1.300,9 22.704 95,7 78
Espanya 1986 44,0 504.782 743,0 17.862 86,3 54
Polonia 2004 38,2 312.685 185,2 4.849 42,6 54
Países Baixos 1958 16,2 41.526 453,8 28.012 106,1 27
Grezia 1981 11,0 131.940 153,5 13.951 73,8 24
Belchica 1958 10,4 30.510 267,5 25.719 104,3 22
Portugal 1986 10,4 92.931 130,8 12.582 66,5 24
R. Checa 2004 10,2 78.866 75,7 7.420 63,1 24
Hongría 2004 10,1 93.030 73,2 7.251 55,0 24
Suezia 1995 8,9 449.964 267,4 30.048 102,2 19
Austria 1995 8,1 83.858 224,3 27.688 108,5 18
Dinamarca 1973 5,4 43.094 187,8 34.787 110,5 14
Eslovaquia 2004 5,4 48.845 28,8 5.337 47,6 14
Finlandia 1995 5,2 337.030 143,4 27.581 99,2 14
Irlanda 1973 4,0 70.280 131,9 32.981 118,2 13
Lituania 2004 3,5 65.200 16,1 4.612 45,2 13
Letonia 2004 2,3 64.589 9,2 3.985 37,7 9
Eslovenia 2004 2,0 20.253 24,5 12.244 70,3 7
Estonia 2004 1,4 45.226 7,4 5.302 44,7 6
Chipre 2004 0,7 9.250 11,3 16.177 76,1 6
Luxemburgo 1958 0,4 2.586 23,5 58.690 185,5 6
Malta 2004 0,4 316 4,4 11.113 67,3 5
Total (EU-25) 2004 456,0 3.973.597 9.738,0 22.911 91,8 730

Economía

Articlo prencipal: Economía d'a Unión Europeya

Simbolo de l'Euro.
Simbolo de l'Euro.

L'Euro ye la moneta d'a Euro Zona u Zona de l'Euro, composata por doce d'os 25 Estaus miembros d'a UE que truxan ista moneta unica. Los billetz e monetas d'euro se metioron en cerculación l'1 de chinero d'o 2002.

Demografía

Articlo prencipal: Demografía d'a Unión Europeya

Población de l'UE

País Poblazión en millons Densidá de poblazión1 % sobre o total de l'UE2 Mobimiento de poblazión3 Mobimiento Natural4 Apoco Migratorio Mullers por cada 100 ombres
Alemanya 82,4 230,6 18,1 0,0 -1,7 1,8 104,6
Francia 59,6 108,8 13,1 4,4 3,5 0,9 105,8
Reino Unito 59,3 241,3 13,0 3,1 1,4 1,7
Italia 57,3 192,2 12,7 8,4 -0,5 8,9
Espanya 44,0 87,1 9,2 15,5 1,3 14,2
Polonia 38,2 123,6 8,4 -0,7 -0,4 -0.4 106,5
Países Baixos 16,2 473,7 3,6 3,8 3,7 0,2 102,0
Grezia 11,0 83,1 2,4 3,1 0,0 3,2
Belchica 10,4 337,1 2,3 3,9 0,5 3,4 104,4
Portugal 10,4 112,1 2,3 6,5 0,4 6,1 106,9
Republica Checa 10,2 129,7 2,2 0,8 -1,7 2,5 105,4
Hongría 10,1 109,5 2,2 -2,5 -4,1 1,5 110,5
Suezia 8,9 21,6 2,0 3,9 0,7 3,2 102,0
Austria 8,1 95,8 1,8 4,8 0,0 4,0 106,4
Dinamarca 5,4 124,3 1,2 2,6 1,3 1,3 102,2
Eslovaquia 5,4 109,7 1,2 0,2 -0,1 0,3 106,0
Finlandia 5,2 17,0 1,1 2,6 1,5 1,1 104,6
Irlanda 4,0 54,6 0,9 15,3 8,2 7,1 101,3
Lituania 3,5 53,3 0,8 -4,8 -3,0 -1,8 114,1
Letonia 2,3 36,5 0,5 -5,3 -4,9 -0,3 117,3
Eslovenia 2,0 98,3 0,4 0,7 -1,0 1,7 104,5
Estonia 1,4 30,2 0,3 -4,0 -3,7 -0,3
Chipre 0,7 118,4 0,2 21,4 3,8 17,8 104,0
Luxemburgo 0,4 170,9 0,1 7,3 2,8 4,7 102,8
Malta 0,4 1265,4 0,1 6,5 2,2 4,3
Fuen: Eurostat

1 A densidá de poblazión espresa en abitans por km².
2 Poblazión total de cada país representada como % d'a poblazión total de l'UE.
3 Por 1.000 presonas. Esferenzia entre a grandaria d'a poblazión de l'añada 2003, con respeutibe a lo 2002. Ye igual a la suma alchebraica d'o creximiento natural y d'o apoco migratorio (correchito). O creximiento ye negatibo quan os suyos dos componéns son negatibos u quan un d'os dos ye negatibo y superior a l'atro en balgua absoluta.
4 Por 1.000 presonas. Esferenzia entre as naxenzias (bibos) y as muertes en o curso de l'añada 2003. O creximiento (u defizit) natural ye negatibo, quan as espritadas son muitas más que as naxenzias.

Veyer: Migración en a Unión Europeya

Veyer tamién

Enrastres externos

Commons
Commons
Se veigan as imáchens de Commons sobre a Unión Europeya.

Referencias

Plantilla:Destacato

Plantilla:Destacato Plantilla:Destacato Plantilla:Destacato Plantilla:Destacato Plantilla:Destacato