Soldán

Mahmud y Ayaz
O Soldán ye a dreita, dando a man a lo xeikh, con Ayaz en piet dezaga iste. O presonache a dreita que esnabesa a escena ye o xah Abbas I, que reinó 600 dimpués. Museu d'Arte Contemporanio de Teherán, Irán.

Soldán (de l'arabe سلطان sulṭān, y éste de سلطة sulṭa: «poder») ye un tetulo que se fa serbir en bels países islamicos equibalent a lo de rei u monarca (encara que no se traduze, car un rei propiament dito ye en arabe un malik). Literalment significa «qui exerze o poder», y en o suyo orichen estió una traza de referir-se a caudiellos melitars, por un regular turcos, que exerzeban o poder de facto en territorios nominalment gobernatos por o califa. Dimpués esdebinió un tetulo.

O primero en lebar oficialment o tetulo estió Mahmud de Gazna, d'a dinastía d'os gaznauíes, gaznabíes u gaznabidas (998 - 1030), que gobernó dende l'actual ziudat afgana de Gazni uns dominios que iban dende o Ganches dica Mesopotamia.