Serranía de Cuenca

A Serranía de Cuenca ye l'aria montañosa d'o noreste d'a provincia de Cuenca, que forma una mesma rechión natural con a Sierra d'Albarrazín (Teruel). Ye una macrocomarca que encluye bellas comarcas naturals más chicotas que no han esdebenito comarcas ofizials.

Parte d'ista serranía ye en a Cuenca d'o río Tacho (o Tacho naxe a man) con os ríos Cuerbo y Escabas trescurzando a parte norueste, pero atra parte ye en a bersant mediterrania d'a peninsula, con o río Guadalabiar, Xúcar y os suyos afluents entre os que destaca o río Cabrigüel.

Os materials predominans d'istas sierras son calsineras d'o mesozoico, a sobén karstificatas con torcas u dolinas. Tamién bi ha espectaculars fozes, estreitos u cañons flubiocarsticos.

A bechetazión predominant son as pinetas. Tamién bi ha carrascals u carrascals-caxicars y sabinars.

A caza mayor ye abundant y i esitió una reserba de caza dende 1973 dica 2007, güei ista reserba de caza s'ha incluito en una demarcazión más gran clamata Parque Natural de la Serranía de Cuenca.

As comarcas d'a Serranía de Cuenca son, dende o norueste ta o sudeste:

• A Serranía Alta
• A Serranía Meya
• El Campichuelo
• A Serranía Baixa