Zoroastrismo

Faravahar (u Ferohar), un d'os simbolos principals d'o Zoroastrismo, se creye que ye a imachen d'un Fravashi (un esprito guardián)

O Zoroastrismo yera la relichión d'os antigos persas, basata en a doctrina predicata por Zoroastres en Irán. Actualment encara tien siguidors, os ditos parsis.

L'Avesta ye o conchunto de libros sagratos d'ista relichión, encara que nomás se conserva una cuarta parti de l'orichinal.

O zoroastrismo sustituyió lo politeismo indoeuropeu d'a rechión por un dualismo: o esprito d'o Mal u Angra Mainyu y o Gran Sinyor u Ahura Mazda (encara que tot proviene d'o Creyador). Os dos tienen os suyos correspondients seguidors, a sobén divinidatz anteriors licherament transformatas. Luitan eternament por o dominio d'o mundo e sobre tot por convencer a lo ser humán, o solo con libertat ta poder dicir, ta que siga una doctrina u una atra. Iste combate rematará a la fin d'os tiempos con o triunfo d'o bien e una purificación cheneral, muertos encluyitos.

L'ombre ha de siguir en a suya vida os principios d'o bien, caracterizatos por a piedat y l'orden. Quan muera será chuzgato seguntes as suyas accions y vivirá en un o paradiso u en un infierno dica la gran luita final.

O zoroastrismo mantiene restas de l'antiga relichión iraniana, como por eixemplo os sacrificios y o papel central d'o fuego e a luz. O sacerdocio y a machia tienen poca importancia comparato con atras relichions.