Corsos

Plantilla:Grafía 87 Plantilla:Pueblo Os corsos son os abitants natibos de Corzega. Son uns 250.000 abitants e charran un romanze italico parexito a lo toscano pero estandarizato como una luenga propia. A mayoría son catolicos. Mutos corsos emigroron u han emigrato rezientment ta Italia, Francia u as antigas colonias.

Modo de bida tradizional

Bi ha poblatos de chent sedentaria e poblatos de chent transuant.

Organizazión sozial

Bi ha familias estensas, unas relazions economicas, sozials e politicas dirichitas por o clientelismo. A vendetta ye tipica d'a soziedat tradizional corsa, y encara que no esclusiba, los ha feito famosos en Francia.

Istoria

Encara que os reis d'a Corona d'Aragón se proclamaban reis de Corzega, nunca no han dominato de berdat a isla. A Republica de Chenoba ha tenito més control sobre os corsos que no atros estatos. Dende 1768 Corzega pasó a depender de Francia. O estato francés acabó con a piratería en Corzega. En a revolución franzesa Corzega quedó més binclata a Francia, y estió o corso Napoleón Bonaparte qui prenió o poder dimpués en Francia. En o sieglo XIX os corsos que quereban puyar sozialment emigraban u s'alistaban en o exerzito. Muitos partiziporon en a espansión colonial franzesa, e zentenars de mils emigroron t'Archelia. Quan os corsos emigratos fuoron repatriatos en a decada de 1960 Corzega se modernizó.

En l'actualidat as actibidaz tradizionals d'o interior son en crisis y o torismo se desembolica. Se produze un cambeyo cultural que se denunzia como "colonialismo interno" e bi ha un nazionalismo con una bersant terrorista. En a decada de 1980 o gobierno francés atorgó una aministía e una devolución de poders a las organizazions rechionals. L'autonomía corsa fue examplata en 1991.

Corsos famosos

• Napolión Bonaparte, politico y melitar.
• Pasquale Paoli, politico, melitar y patriota.
• Laetitia Casta, modelo.