Pireneu

Os Perineus, Perinés u Pirinés (en singular, o Perineu) son una cordelera montañesa situada a lo norte d'a Peninsula Iberica entre Espanya y Francia. S'estendilla a lo largo de 415 km dende o Cabo de Creus (Mar Mediterranio) a l'este, dica o Golfo de Bizcaia (Mar Cantabrico) a l'ueste. En a suya parti zentral tien una amplaria de bels 150 km. En o luengache corrién a parabra Perineus s'aplica a lo conchunto de sarras mugants entre Espanya y Francia.

En a ladera norte, transcorre por as rechions franzesas d'Aquitania, Meyodía-Perineus y Rosellón. En a ladera sud transcorre por o País Basco, Navarra, Aragón y Catalunya. O chicot estau d'Andorra ye situato en os Perineus, entre Espanya y Francia.

Orichen etimolochico

A palabra Perineus probién d'a mitolochica filla d'Atlas, Pirene. Seguntes os griegos, os Perineus recullioron o suyo nombre de Pirene, una chobena d'a rechión a la que Ercules se lebó con el en un d'os suyos biaches.

Atra bersión diz que ye un antigo toponimo, d'orichen basco. Seguntes ista luenga, a cordillera se clamó Ilene bos, que significa "mons d'a Luna", pos Ilene ye a Luna.

Cheolochía

As caracteristicas cheolochicas más destacadas son a disimetría d'as bersants en o sentiu trasbersal, ye dizir que a suya baixant ye muito mas azentugada en a bersán franzesa que en a espanyola, y a disimetría en o sentiu lonchitudinal: desziende de suaument enta l'Atlantico y de feriosament enta o Mediterranio.

Os Perineus se formoron en a Era Terziaria, cuan se produzió o gran plegue alpín-imalayo.

Bi ha cuantas unidaz:

• Perineu axial
• Prepririneu interior
• Depresión pirenaica intermeya
• Prepirineu exterior

O Pirineu axial son materials d'a Era Palozoica plegatos en a orochenia herzinica, que s'han erosionato dimpués d'a orochenia y que han feito de zocalo pa la sedimentazión en a era secundaria.

O Preperineu consiste en cabalgamientos y mantos de corrimiento que biachoron enta o sud cuan s'alcurzó a crosta inferior.

A depresión perinenca intermeya no ye bien definita siempre por a superposizión de mantos de corrimiento y cabalgamientos, pero se beye bien en a Canal de Berdún.

Tucas

Peña Forca

As tucas mas destacadas d'ista cordillera son:

Perineus occidentals

• Ecaitza (1.404m)
• A Rhune (900m)
• Adi (1.503m)
• Ortzanzurieta (1.570m)
• Orhy (2.021m)
• Pic d'Anie (2.504m)

Perineus zentrals

Imachen:Castillo d'Acher.jpg

Castiello d'Acher

• Midi d'Ossau (2885 m)
• Collarada (2.886 m)
• Pico Os Moros (3.146 m)
• Pico Bachimaña (3.005 m)
• Pic Long (3.192 m)
• Néouvielle (3.091 m)
• Comachibosa o Pique Longue (3.298 m)

Ordesa y as Tres Serols

As Tres Marías

Pico Zelindro

• Punta Tres Serols (3.352 m)
• Zelindro Marmorés (3.328 m)
• Soum de Ramond o Pico Añisclo (3.254 m)
• Marmorés (3.248 m)
• Taillón (3.144 m)
• Punta Faixón (3.009 m)
• Punta Corral Ziego (3.006 m)
• Marmorés d'el Cul (3.077 m)

Pineta

Pico de Pineta bisto dend'a Bal de Pineta

• L'Almunia Gran (3.134 m)

Chistén

• Bachimala o Punta Schrader (3.177 m)
• Punta Sabre (3.136)

Benás

• Posets o Llardana (3.375 m)
• Les Espades (3.332 m)
• Pabots (3.121 m)
• Gran Eriste (3.053 m)
• Aneto (3.404 m)
• A Maladeta (3.312 m)
• Maldau (3.350 m)
• Russell (3.205 m)
• Margalida (3.241 m )
• Tempestades (3.290)
• Alba (3.118 m)
• Mulleres (3.010 m)
• La Forcanada
• Ballibierna (3.067 m)
• Perdiguero (3.222 m)
• Gourgs Blancs (3.129 m)
• Cabrioules o Cabrioles (3.116 m)
• Malpás (3.109 m )
• Salbaguardia (2.738)

Luchon

• Spijeoles (3.066 m)
• Gran Quayrat (3.060 m)
• Pico Lézat (3.107 m)

Perineus orientals

• Mulleres (3.010 m)
• Besiberri (3.030 m)
• Punta Alta (3.014 m)
• Colomers (2.930 m)
• Montvallier (2.859 m)
• Montsent (2.881 m)
• Montcalm (3.080 m)
• Pica d'Estats (3.140 m)
• Pedrosa (2.948 m)
• Pic de Serrère (2.911 m)
• Puig Pedrós (2.914 m)
• Pic de Carlit (2.921 m)
• Tossa d'Alp (2.537 m)
• Puigmal (2.909 m)
• Pic de Llonzes (2.832 m)
• Canigó (2.785 m)
• Costabona (2.464 m)
• Roc de France (1.449 m)
• Noulos (1.257 m)
• Alberes (975 m)

Se beiga tamién a lista de picos d'o Perineu aragonés

Cheleras

Debiu a que a glaziazión d'a Era Cuaternaria afeutó a los Perineus de modo mas dezisibo que a las atras cordilleras espanyolas, esisten trazas de modelato glaziar dende o Canigó dica o pico d'Adi. A más gran parte d'os actuals ibons son d'orichen glaziar. Güe os Perineus nomás poseyen cascos glaziars u con chicotas luengas por denzima d'os 3000 m: Pico Os Moros, Comachibosa, Mon Perdito y Maladeta.

Rios

Ista cordillera ye a cuna de ríos importans: l'Adour, a Garona, o Nivelle, o Tec, o Tet, l'Aglí y l'Ande en a bersant franzesa, y a Bidasoa, l'Aragón, o Galligo, a Zinca, l'Esera, o Segre, o Ter, o Llobregat, a Muga y a Flubia en a bersant espanyola.

Perineistas

Bels zentificos y montañers que s'han destacato en o estudio d'istas montañas son:

• Louis Francois Ramond de Carbonnières. Naturalista. (1755-1827)
• Franz Schrader. Cheografo. (Bordeus, 1844 - París, 1924)
• Henry Russell. Conte Russell-Killough. (Tolosa, 1834 - Biarritz, 1909)

Ozio

Ordesa

Ista cordillera cuenta con grans espazios atrapaziaus ta l'ozio y ofreix grans posibilidaz por a suya polideza e clima.

As instalazions t'a prautica d'a esquí son as que aprezisan d'un espazio más amplo y han modificau o emplego d'o sulero en l'alta montaña.

• En a parti espanyola, os Perineus cuentan con as siguients estazions: Candanchú, Astún, Fornigal, Pandicosa-Os Lagos, Sarllé, BoíTaül Resort, Baqueira Beret, Port-Ainé, Port del Comte, Espot Esquí Parc, Tavascan, La Molina, Masella, Vall de Núria, Vallter 2000, Rasos de Peguera.

• En Andorra: Ordino Arcalis, Pal Arinsal, Pas de la Casa-Grau Roig, Soldeu el Tarter.

• En Francia: La Pierre-st Martín, Artouste, Gourette, Luz Ardiden, Cauterets, Hautacam, Bareges, Gavarnie-Gédre, La Mongie, Piau Engaly, Saint Lary, Val Louron, Peyragudes, Luchon Superbagneres, Porte Puimorens, Ax-Les-Thermes, Font Romeu, Les Angles, Puyvalador, Formigueres, Puigmal 2600, Cambré d'Aze, Guzet, Les Mont d'Olmes, Ascou-Pailheres, Mijanes-Donezan.

Binclos externos

• Rebista Dichital d'o Perineu Aragonés
• Perineu Nabarro
• Perineu Aragonés
• Perineu Catalán
• O Perineu en Internet