Diferencia entre revisiones de «Penicilina»
m robot Añadido: mk:Пеницилин |
m robot Añadido: sw:Penicillin |
||
Linia 78: | Linia 78: | ||
[[sr:Пеницилин]] |
[[sr:Пеницилин]] |
||
[[sv:Penicillin]] |
[[sv:Penicillin]] |
||
[[sw:Penicillin]] |
|||
[[ta:பெனிசிலின்]] |
[[ta:பெனிசிலின்]] |
||
[[te:పెన్సిలిన్]] |
[[te:పెన్సిలిన్]] |
Versión d'o 19:35 14 oct 2010
- Advertencia: Biquipedia no ye un consultorio medico.
- Si creye que aprecisa d'aduya, por favor consulte con un profesional d'a salut.
As penizilinas son antibioticos d'o grupo d'os betalactamicos emplegatos muit a sobén en o tractamiento d'infezions prebocatas por eubacterias que i son sensibles. A mayoría de penizilinas son deribatos de l'azeto 6-aminopenizilanico, que difieren entre si seguntes a sustituzión en a cadena lateral d'o suyo grupo amino. A penizilina G u benzilpenizilina estió lo primer antibiotico emplegato amplament en medezina; o suyo descubrimiento ha estato atribuyito a Alexander Fleming en 1928, que chunto con os zentificos Ernst Boris Chain e Howard Walter Florey (que creyoron un metodo ta produzir en masa iste farmaco) otenió lo Premio Nobel de Medezina en 1945.
No se conoxe de tot o mecanismo d'azión d'as penizilinas, encara que a suya analochía a la D-alanil-D-alanina terminal, situata en a cadena lateral peptidica d'a subunitat d'o peptidoglicano, amostra que o suyo carauter bacterizida deriba d'a suya interbenzión como inibidor d'o prozeso de transpeptidazión mientres a sintesis d'a mureína. D'ista traza, a penizilina autua debilitanto a paret bacteriana e fazilitando a lisis osmotica d'a bacteria mientres o prozeso de multiplicazión.
Esisten una gran dibersidat de penizilinas. Belas espezies de fongos d'o chenero Penicillium sintetizan penizilinas de forma natural, como lo primer tipo aislato, a penizilina G. Menimenos, debito a l'aparizión de resistenzias, s'han desembolicato atras familias seguindo basicament dos estratechias: l'adizión de precursors por a cadena lateral a lo meyo de cautibo d'o fongo produtor, cosa que estimula la produzión de penizilinas biosinteticas; e a modificazión quimica d'a penizilina otenita por a fermentazión biotecnolochica, resultando en penizilinas semisinteticas.[1]
As penizilinas difieren entre si seguntes o suyo espectro d'azión. Por eixemplo, a benzilpenizilina ye efizient cuentra eubacterias grampositibas como los estreptococos e estafilococos, asinas como los gonococos o meningococos, pero s'ha d'almenistrar por bía parenteral debito a la suya sensibilidat a lo pH azeto d'o estomaco. D'atra man, a fenocsimetilpenizilina ye resistent a iste pH e se puet almenistrar por bía oral. L'ampizilina, a más de mantener ista resistenzia, ye efizient cuentra bacterias gramnegatibas como Haemophilus, Salmonella e Shigella.
Encara que as penizilinas son os antibioticos menos tocsicos, ye abitual que causen alerchias. Dica un 10% d'os pazients que reziben tractamientos con betalactamicos en desembolican.[2] Como un xoc anafilactico puet prebocar a muerte d'o pazient, cal interrogar-lo sobre iste tema antis d'iniziar o tractamiento.
A más d'as suyas propiedaz antibacterianas, a penizilina ye un antidoto efizient cuentra os efectos d'o emberenamiento por α-amanitina, un d'os aminoazetos tocsicos d'os fongos d'o chenero Amanita.[3]
Referencias
- ↑ (en) Crueger, Wulf; Crueger, Anneliese: "A texbook of industrial microbiology". 1989. Sinauer Associates. Sunderland. ISBN 0878931317
- ↑ (en) Solensky R (2003). "Hypersensitivity reactions to beta-lactam antibiotics". Clinical reviews in allergy & immunology 24 (3): 201–20. DOI:10.1385/CRIAI:24:3:201.
- ↑ (en) Enjalbert F., Rapior S., Nouguier-Soulé J., Guillon S., Amouroux N., Cabot C. (2002). "Treatment of amatoxin poisoning: 20-year retrospective analysis.". J Toxicol Clin Toxicol. 40 (6). PMID 12475187.