Cruz d'Enneco Ariesta

Cruz d'Enneco Ariesta, emplegata por o primer rei d'Aragón Remiro I (sieglo XI)

A Cruz d'Enneco Ariesta ye en eraldica, sobre campo d'azur, una cruz patada (con os brazos que s'enamplan) de plata, apuntata en o brazo inferior.

A Cruz d'Enneco Ariesta yera simbolo presonal d'o monarca u signum regis, que emplegaba Remiro I como elemento propio d'o suyo siñal en os decumentos. Iste ye o primer Rei d'Aragón, dende 1035, como fillo primochenito de Sancho III lo Mayor, Rei de Navarra. Remiro I eredó dita añada o reino d'Aragón cuan morió lo suyo pai. O fillo y suzesor de Remiro I ye Sancho Remírez, que amostra en as monedas falcatas en o suyo Reino a mesma cruz. Con istos antezedens, se combirtió en simbolo eraldico, representando a cruz con esmalte de plata sobre campo d'azur.

Escudo d'Aragón

Signum regis de Remiro I

O istoriador Cheronimo Zurita (1512-1580) en os Anals d'a Corona d'Aragón, que se rematoron de publicar en 1579, esprisa como representazión d'a reyaleza aragonesa la que er clama Cruz d'Enneco Ariesta, por fer-la deribar d'iste presonache lexendario, de qui prozeden os istoricos reis d'Aragón dende Ramiro I.

En o Monesterio de San Chuan d'a Peña, amán de Chaca, en o Pantión Reyal mandado construyir por Carlos III en o sieglo XVIII, se representan os simbolos d'a istoria d'Aragón, encluyendo a Cruz d'Enneco Ariesta.

A Cruz d'Enneco Ariesta apareixe en o segundo cuartel d'o escudo actual d'Aragón.

Bibliografía

• FATÁS, G. y REDONDO, G., Blasón de Aragón. Zaragoza, Deputazión Cheneral d'Aragón, 1995.