Diferencia entre revisiones de «Siete Marabellas de lo Mundo»

De Biquipedia
Contenido eliminado Contenido añadido
AraBot (descutir | contrebucions)
m Robot: Reemplazo automático de texto (- á + a )
AraBot (descutir | contrebucions)
m Robot: Reemplazo automático de texto (-meyebal +meyeval)
Linia 20: Linia 20:


== Listas posteriors ==
== Listas posteriors ==
En tiempos posteriors se son feitas altras listas de siete (u més) marabiellas, bistas més como una tradizión que continaba d'es tiempos d'antis que no como cosa espezifica u canonica. Per ixa razón no puet parlar-se d'una nueba lista de siete marabiellas meyebals u mudernas, encara que belas construzions gosan d'apareixer a ormino en muitas d'ellas. Iixemplos en son lo [[Coloseu de Roma]], [[Stonehenge]], la [[Torre Inclinata de Pisa]], la [[Gran Muralla Chinesa]], etz.
En tiempos posteriors se son feitas altras listas de siete (u més) marabiellas, bistas més como una tradizión que continaba d'es tiempos d'antis que no como cosa espezifica u canonica. Per ixa razón no puet parlar-se d'una nueba lista de siete marabiellas meyevals u mudernas, encara que belas construzions gosan d'apareixer a ormino en muitas d'ellas. Iixemplos en son lo [[Coloseu de Roma]], [[Stonehenge]], la [[Torre Inclinata de Pisa]], la [[Gran Muralla Chinesa]], etz.


== Las nuebas siete marabiellas ==
== Las nuebas siete marabiellas ==

Versión d'o 08:06 4 oct 2010

Plantilla:Grafía 87

Las 7 marabiellas de l'Anticuedat seguntes lo pintor olandés Maarten van Heemskerck (s.XVI). De cucha ta dreita e d'alto t'abaixo: Piramide de Guiza, Chardins de Babilonia, Templo d'Artemis, Estatua de Zeus, Mausoleu d'Alicarnaso, Coloso de Rodas e Faro d'Alexandría.

Las Siete Marabiellas de lo Mundo (u las Siete Marabiellas de l'Anticuedat) ye la denominazión con la que se connoix siete grans construzions umanas de l'anticuedat clasica a la faixa oriental de lo Mediterranio, basata en libros de biaches que se tornoron bien populars entre es turistas elenos. D'ixas siete marabiellas, no n'ha perdurato so que la Gran Piramide de Guiza.

Oríchens

Lo estoriador Erodoto (484 aC - 425 aC) e Calimaco de Zirene estioron d'es primers a fer listas de "siete marabiellas", pero es escritos suyos no han perbibito e d'éls se'n sape que per referencias. La bersión més antica que encara perdura d'una lista de siete marabiellas ye la compilata per Antipáter de Sidón, que las describiba en un poema d'enta 140 aC:

Han bisto es uellos míos la muralla de l'alta Babilonia en o que ye un camín ta carros, e la estatua de Zeus, d'Alfeu, e es chardins pinchaders, e lo Coloso de lo Sol, e la immensa labor de las altas piramides, e la gran tumba de Mausolo; pero en que bide la casa d'Artemis que puyaba enta las boiras, ixas altras marabiellas perdioron lur lumbre, e me dixe: "Guardaz bien, perque fueras de l'Olimpo, lo Sol cosa més gran nunca no bido".

Lista

La lista de las siete marabiellas de lo mundo antico, ordenatas seguntes lo periodo de la suya construzión, ye la siguient:

  1. La Gran Piramide de Guiza. Rematata ta las embueltas de lo 2860 aC, se construyó como sepoltura ta lo faraón Quéops. Ye situata a Guiza (Echipto). L'unica de las siete que encara ye dreita.
  2. Es Chardins Pinchaders de Babilonia. Construyitos entre 605 aC e 562 aC. Yeran situatos a Babilonia, en Mesopotamia (l'actual Irak).
  3. Lo Templo d'Artemis. Construito alto u baixo entre 550 aC e 325 aC. Yera situato a Efeso (actual Turquía).
  4. La Estatua de Zeus a Olimpia. Esculpita a lo redol de 430 aC. Yera situata a Olimpia (Grezia).
  5. La Tumba de Mausolo (Mausoleu) a Alicarnaso. Construyito a lo redol de 353 aC. Yera situato a Alicarnaso, l'actual Bodrum (Turquía).
  6. Lo Coloso de Rodas. Construyito entre 294 aC e 282 aC. Yera en a isla de Rodas (Grezia).
  7. Lo Faro d'Alexandría. Construyito entre 294 aC e 283 aC. Yera situato a Alexandría (Echipto).

Listas posteriors

En tiempos posteriors se son feitas altras listas de siete (u més) marabiellas, bistas més como una tradizión que continaba d'es tiempos d'antis que no como cosa espezifica u canonica. Per ixa razón no puet parlar-se d'una nueba lista de siete marabiellas meyevals u mudernas, encara que belas construzions gosan d'apareixer a ormino en muitas d'ellas. Iixemplos en son lo Coloseu de Roma, Stonehenge, la Torre Inclinata de Pisa, la Gran Muralla Chinesa, etz.

Las nuebas siete marabiellas

Lo Taj Mahal, una de las eslechitas como 7 nuebas marabiellas de lo mundo.

Empezipiato ya lo sieclo XXI, la interpresa suiza New Open World Corporation (NOWC) emplegó un sistema de botazión a escala mundial, prinzipalment per meyo d'Internet, ta esleir cuálas yeran las nuebas siete marabiellas de lo mundo, atorgando la considerazión de candidata onorifica ta la Piramide de Guiza per estar-ne l'unica de las anticas que en perbibe. Lo resultato estió feito publico en a simbolica calendata de lo 7 de chulio de 2007 (7-7-2007), d'entre un total de 21 finalistas entre las que i yeran, per ixemplo, l'Alhambra de Granada, l'Acropolis d'Atenas, lo Temple d'Angkor u la Estatua de la Libertat de Nueba York. Las 7 trigatas estioron, en orden aleatorio seguntes se i proclamoron:

La triga, manimenos, ye estata bista per muita chent como poco representatiba, només posible ta la chent con aczeso a Internet. La organizazión seguirá lo mesmo prozedimiento ta esleir siete marabiellas més, ista begata de la Natura.

Muitas altras listas pareixitas se son feitas rezienment per parti d'organizazions u particulars, bien per meyo de botazions populars locals bien per dezisions propias.

Binclos externos