Lausana

Lausana (Lausanne, [loˈzan], en francés y ofizialment) ye una ziudat y comuna de Suiza, capital d'o destrito de Lausana y tamién d'o cantón de Vaud.

A ziudat de Lausana ye a zinquena ziudat con mayor numero d'abitants de Suiza (con una poblazión de 130.131 abitants en febrero de 2009), dezaga d'as ziudaz de Zúrich, Chinebra, Basilea y Berna. Con una superfizie de 41,37 km², a suya densidat de poblazión ye de 3.145,54 hab/km². Antiparte, la suya aria metropolitana (Aria metropolitana de Lausana), con 70 comunas, tien arredol de 317.000 abitants.

En Lausana se troba a seu d'o Comité Olimpico Internazional, y estió dende o sieglo XX una ziudat con presenzia en o mundo diplomatico. Asinas, en 1923 se firmó en a ziudat o Tratato de Lausana entre Turquía y os Aliatos, que remataba l'estato de guerra d'a Primera Guerra Mundial entre as dos partes.

Cheografía

Lausana se troba a o canto d'o Laco Lemán, frent a la ziudat franzesa de l'Alta Saboya d'Évian-les-Bains, a 495 metros d'altaria denzima d'o ran d'a mar, y ye trescruzata por bellos ríos (Flon, Louve, Vuachère, Riolet) que desauguan en o laco.

Enrastres externos

• (fr) Pachina web ofizial municipal.
• (de)/(fr) Lausannwe (articlo d'o Dizionario Istorico de Suiza).