Idioma petavín-santonchés

O Idioma petavín-santonchés se charra en Poitou, Santogne y Engolmés, fa part d'o diasistema "Luengas d'Oil", pero a diferencia d'atras luengas d'Oil presenta substracto occitán. Como en atras "luengas d'Oil" sería seguntes un punto de vista un dialecto d'una luenga común francesa con una variant común representata por o francés y seguntes un atro una luenga chirmana independient d'o francés.

Orichen

Por o que fa a l'ueste de Galia u Francia a muga inicial entre as luengas d'Oc y as luengas d'Oil yera d'alto u baixo a Loira, reflexando que yera a zona de muga primero entre a provincia Lugdunesa y a provincia d'Aquitania, y dimpués d'a reforma de Dioclecián, a muga entre a diocesi Vienesa y a diocesi Lugdunesa. En o caso d'o romanz de l'aria atlantica entre a Loira y a desembocadura d'o Garona se produció una asimilación d'un dialecto d'Oc por part d'os dialectos d'Oil; sería un caso pareixito a lo que se desvinió en a Riocha meyeval, bi heba un riochán precastellán en o sieglo X que feba part d'o navarroaragonés y dimpués se castellanizó esdevenindo una variant meyeval d'o castellán.

Curiosidatz

O petavín-santonchés ha influito en as variants d'o francés que se charran en o Quebec y atras partz de norteamerica.

Luengas romances

Aragonés | Arrumano | Astur-leyonés | Castellano | Catalán | Corso incluindo o gallurés | Chudeocastellano | Dalmata | Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés, Jèrriais y Anglo-normando), Petavín-Santonchés, Picardo y Valón | Francoprovenzal | Friulán | Gallego | Istriot | Istrorrumano | Italiano | Ladino | Ligur | Lombardo | Meglenorrumano | Napolitán | Occitán incluindo o gascón y l'aranés | Piemontés | Portugués | Rumanche | Rumano | Sardo incluindo o sasarés | Siciliano | Veneciano