Chenesi

O Chenesi ye o libro en que se recenta la historia d'Adán y Eva.

O Chenesi (d'o griego Γένεσις "naiximiento, creyación, orichen", d'o ebreu בְּרֵאשִׁית, Bereshit, "á o prenzipio") ye o primer libro d'a Torá ("A Lei" u Pentateuco) y tamién o primer libro d'o Tanaj, a biblia ebreya (conoixita por os cristianos como l'Antigo Testamento).

Contenito

O libro d'o Chenesi relata a historia d'a creyación d'una mena espiritual y mui común a la redacción ebreya d'ixe tiempo. A creyación d'o mundo, obra de Dios; o relato d'Adán y Eva en l'Edén, a suya cayita por a Serpient, por minchar d'o fruito de l'árbol d'o conoiximiento d'o bien y d'o mal. A historia d'os suyos primers fillos: Caín y Abel. L'aparición de tribus y razas y o desembolique d'os pueblos; a historia d'a Torre de Bable; a narración d'o diluvio anunciato por Dios a Noé, producto d'a corrupción humana; a reconciliación de Dios con l'hombre en a suya alianza (arca de Noé).

Dimpués d'o Chenesi contina con a historia d'o pueblo chodigo: os patriarcas y matriarcas: Abraham y Sara, Isaac y Rebeca, y Chacó y as suyas dos mullers, Raquel y Lía. Dimpués ye a historia d'as dotze tribus d'Israel, Chusé, o exilio d'o pueblo ebreu en Echipto, y a esclavitud.

O chenesi en fuents aragonesas

O chenesi ye mencionato en as glosas aragonesas d'a obra De regimine principium de Chil de Roma:

...assñi como fue de la muerte que fizo Moysés el egipciano, segunt leemos en el Génesi, el qual acto fue malo pero fue fecho justamente e buena, porque la intención fue por zelo de Dios