Relatividat especial

Albert Einstein en 1921.

A Tioria Espezial d'a Relatibidat (conoxita tamién como relatibidat espezial, relatibidat restrinchita u RE), fue publicata por Albert Einstein o 1905 e describe a fesica d'o mobimient en ausenzia de campos grabitazionals. Istos conzeutos fuoron presentatos anteriorment por Henri Poincaré e Hendrik Lorentz, que tamién son consideratos como iniziadors d'a tioria. Dica agora, os fesicos pensaban que a mecanica clasica d'Isaac Newton, basata en a dita relatibidat de Galileo (orichen d'as ecuazions matematicas conoxitas como transformazions de Galileo), describiba os conzeutos de belozidat e fuerza ta toz os oserbadors (u sistemas de referencia). Manimenos, Hendrik Lorentz e atros, eban comprebato que as ecuazions de Maxwell, que gubernaban o eletromagnetismo, no se comportaban d'alcuerdo con as lais de Newton cuan o sistema de referencia cambeya (por eixemplo, cuan se considera o mesmo problema fesico dende o punto d'ambista de dos oserbadors que se mueben la un respeuto de l'atro). A nozión de transformazión d'as lais d'a fesica respeuto a los oserbadors ye a que da nombre a la tioría, que se diz con o calificatibo d'espezial u restrinchita t'achustar-se a casos de sistemas en os cualos no se para cuenta en os campos grabitatorios. Una estensión d'ista tioría, que encluye os campos grabitatorios, ye a Tioria Cheneral d'a Relatibidat, publicata por Einstein en 1916. Plantilla:Destacato Plantilla:Destacato Plantilla:Destacato