Tamerlán

Tamerlán تیمور
Emir de Transoxiana
Emir de Transoxiana
Predecesor	Amir Husayn
Succesor	Khalil Sultan
Coronación	1370, Balkh
Nombre real	Timur Lang
Naixencia	6 d'abril de 1336 Shahrisabz, Usbekistán
Muerte	19 de febrero de 1405 Otrar, Sir Daria
Dinastía	Dinastía Timurida
Pai	Muhammad Taraghay
Mai	Tekina Mohbegim

Tamerlán u Timur Lang ("Timur o coixo") naixió en 1336 en Sarmagant. Yera intelichent, un chenio melitar y encara que yera analfabeto, teneba cultura. Tamerlán superó a los mongols en l'agresividat d'a suya politica expansiva. Consiguió creyar un imperio con una extensión en part coincident con a Persia Aquemenida. Conquirió Khorezm, Khorasán, Irán, Irak, Punchab. As ciudatz que atacaba teneban dos alternativas, u se rendiban sin resistencia u feba una grant mortalera con os suyos habitants, feito que se desvenió en Herat, Siraf, Ispahán, Sarai, Delhi y Bagdad. Países que no ocupó pero cuentra os que luitó y que debastó en part estioron Mongolistán, Canato d'a Horda d'Oro, Sultanato de Delhi, Siria y o naixient Imperio Otomán.

Dimpués d'haber servito a lo gobernador de Transoxiana decidió no obedeixer a dengún y reunió bells clans nomadas pretendendo estar defensor d'os transoxians debant d'os barbaros de Mongolistán. En 1370 ya teneba o total control de Transoxiana, con Sarmagant como capital, y dica 1405 o suyo estato estió siempre en guerra, quasi siempre guerras expansivas con devastazions cruels.

En 1379 s'anexionó Khorezm, y quan os de Khorezm apoyoron a Toktamish, khan d'a Horda d'Oro, Tamerlán ordenó en 1388 arrasar a ciudat de Urgench, sembrar-ie hordio dimpués, y deportar a totz os suyos habitants ta Transoxiana. Tamerlán teneba respeto a los Chatagai de Mongolistán y reconoixeba lur autoridat nominal porque os chatagais teneban a lechitimidat de descender de Chinguis Can. Manimenos os chatagais no reconoixeban l'autoridat de Tamerlán y lis nimbió hueito expedicions melitars dende 1371 a 1400 no consiguió vencer-los.

Estió a suya muerte qui impidió que encomenzase a invasión de China.

Bibliografía

• Jean Sellier. Atlas de los pueblos del Asia Meridional y Oriental. Acento Editorial.
• Jean Sellier y André Sellier. Atlas de los pueblos de Oriente. Acento Editorial.