Correu electronico

Funzionamiento d'o correu-e

O correu eletronico (dito en anglés e-mail, u email) ye o sistema que premite redautar, nimbiar e rezibir mensaches emplegando sistemas de comunicazión eletronica. Güé en día, a mayoría de sistemas de correu eletronico emplegan Internet. O correu eletronico ye un d'os serbizios más populars d'Internet. En comparanza con o correu ordinario, tien l'abentalla d'estar más barato e más rapido. A mayoría d'o correu eletronico se transmite a serbidors que treballan con o protocolo SMTP (Simple Mail Transfer Protocol).

Una adreza de correu moderna tien a forma: usuari@domini.exemple. A parti que ye debant d'o sinno @ ye a parti local de l'adreza, a sobén o nombre d'usuario d'o destinatario, e a parti a la dreita d'o sinno @ ye o nombre de dominio. Por meyo de DNS, se puet comprobar que iste dominio azeuta correu eletronico ta ista adreza determinata.