Chacetania

Plantilla:Grafía 87 Plantilla:Infotabla comarca A Chazetania ye a comarca más noroccidental d'Aragón, dibidita entre as provincias de Uesca e Zaragoza, en Espanya. Muga con Francia por o norte, Navarra por l'ueste, e por o sur e a l'este con as comarcas aragonesas d'as Zinco Billas, Plana de Uesca y Alto Galligo. En plens Perineus, s'articula por o río Aragón e os suyos afluyents.

En era se formó lo primitibo Condato d'Aragón que en 1035 a la muerte d'o rei Sancho III "o Mayor" de Navarra adquiere a categoría de reino con capital en Chaca e con Remiro I como monarca. Resultato d'ista ampla istoria son dos grans molimentos istorico-artisticos, a Seu de Chaca e o Monesterio de San Chuan d'a Peña.

A suya mayor altaria ye o Pico Collarada (2.886 metros), e cuenta con dos d'as estazións d'esquí más importants e antiguas d'Espanya: Candanchú e Astún, en a Bal de l'Aragón.

Tien una superfizie de 1.857,9 km² e una poblazión en 2006 de 18.166 ab. (con una densidat de poblazión de 9,77 hab/km²) e a suya capital ye a ziudat de Chaca, que aculle o 70% d'a poblazión redolar.

A suya prenzipal festibidat ye Santa Orosia, patrona d'ista comarca e que se zelebra o 25 de chunio.

A luenga bernacla d'a Chazetania ye l'aragonés, charrando-se a suya bariedat l'aragonés occidental, chunto con castellano que ye l'ofizial.

Composan a Chazetania 20 municipios.