Diferencia entre revisiones de «Pero V d'Aragón»

De Biquipedia
AraBot (descutir | contrebucions)
m Robot: Reemplazo automático de texto (- á + a )
m Pietro V d'Aragón tresladada a Pero V d'Aragón sobre una reendrecera
(Garra diferencia)

Versión d'o 20:56 18 chul 2010

Plantilla:Grafía 87

Pietro V d'Aragón
Rei e conte
Predecesor Enrique IV de Castiella
Succesor Renato I de Nápols

Pietro V d'Aragón u Pero V d'Aragón, dito o Condestable de Portugal (1429 - †Granollers, 1466) estió rei d'Aragón e conte de Barcelona (1464-1466) mientres d'a luita contra Chuan II. Suzedió a Enrique IV de Castiella.

Fillo de Pietro de Portugal, duque de Coimbra e rechent de Portugal, e d'Isabel d'Urchel e d'Aragón, filla de Chaime II d'Urchel, un d'os pretendients a lo tron aragonés mientres d'o Compromís de Casp.

En 1443, mientres o suyo pai yera rechent, iste lo nombra contestable de Portugal, esdebenindo doncas en a masima autoridat melitar d'o reino dimpués d'o rei. En 1444 estió nombrato tamién caballero e Gran Mayestre d'a Orden d'Avis, a más important de Portugal. En 1448, a l'arribar o rei Alifonso V a la mayoria d'edat, o suyo pai abió de dixar a rechenzia. O nuebo rei, influyenziato por Alifonso I de Braganza, enemigo personal de Pietro de Portugal, anuló totas as lais promulgatas mientres d'a rechenzia d'iste, e en 1449 Alifonso V le declaró a guerra e lo redotó en a batalla d'Alfarrobeira. Pietro de Portugal morió en a batalla e Pietro lo Condestable s'abió d'esiliar en Castiella.

En 1454, Pietro se reconcilló con Alifonso e tornó a Portugal a on se le tornoron os suyos biens e cargos. En 1458 luitó chunto a lo rei en a conquista d'Alcacer Ceguer e en la de Tancher en 1460.

En 1463, as institucions catalanas d'a Corona d'Aragón, que se trobaban en guerra zebil con o rei Chuan II, le ofrexioron a corona. En 1464, Pietro estió proclamato conte de Barcelona por o Consello de Ziento. Reina nomás en Catalunya. No reinó en Valencia, a on continaba reinando Chuan II. Contrimostró estar poco ábil en a luita contra Chuan II e iste prenió Lleida, Vilafranca del Penedès, Igualada, Zerbera e Tortosa e redotó a Pietro en Calaf, en 1465.

Pietro morió d'una malotía en Granollers o 1466 e estió apedecato en a ilesia de Santa Maria d'o Mar, en Barcelona.

Dimpués d'a suya muert, as instituzions catalanas ofrexioron a corona a Renato I de Nápols que lo suzedió.


Rei d'Aragón
Conte de Barcelona

1464-1466