Cuadrilla d'Ayala

A Cuadrilla d'Ayala (en basco Aiarako Koadrila u Aiaraldea) ye una comarca d'o País Basco; situata en o territorio istorico d'Alaba. Ye una d'as siete comarcas u cuadrillas en as que se dibide a provincia d'Alaba. Tamién gosa conoxer-se como Ayala-Cantabrica Alabesa, ya que encluye a mayor parti d'o territorio d'ista provincia que se situga en a bersant cantabrica e historicament a mayor parti d'ista comarca formaba a Tierra d'Ayala. A prenzipal poblazión ye Laudio, encara que a seu d'as instituzions d'a comarca ye Respaldiza en o municipio d'Ayala.

A comarca se troba a lo norueste d'Alaba, mugando con Bizcaya e a provincia de Burgos con una superfizie de 328,12 km² e una poblazión de 33.852 abitants (2008). A mayor parti d'a comarca ye situata en a cuenca alta d'o río Nervión. A tamas de pertenexer a Álava, se troba aintro de l'aria d'enfluyenzia de Bilbau; e a comarca tien más relazión en muitos aspeutos (culturals, istoricos, politicos, sozials, economicos, cheograficos, etz.) con Bizcaya que con a resta d'Alaba.

Encluye os municipios d'Amurrio, Arceniega, Ayala, Laudio e Okondo.