La Poblla de Fantova

Iste articlo trata sobre La Poblla de Fantoba. Ta atros emplegos d'o toponimo La Puebla se beiga La Puebla (desambigazión).

Esta pachina ye escrita en ribagorzano.

La Poblla de Fantoba (ofizialment en castellano La Puebla de Fantova) é un llugar de la Ribagorza situato á'l nordeste de Graus, pertenexient a iste municipio. En 1991 la suya poblazión yeba de 187 abitants.

Nombre

El suyo nombre fa referencia a Fantoba, que yeba un llugar más gran y más alto cuan apareixió el nuclio de La Poblla de Fantoba.

Ablla

En La Poblla s'ablla una bariedat de l'aragonés baixorribagorzano con moltas influenzias d'el Sobrarbe, que i an allegato pe' la ball de La Fueba que i é molto zerca, tanto é aixinas que La Poblla é de los pocos llugars de la Ribagorza a none a prenzipios d'el siglo XX se ba decumentar que se i usase lo preterito perfecto sintetico, que é tan tepico de l'aragonés d'el Sobrarbe e més ta ponent tamé, pero que no s'asiente pas en la Ribagorza. Igualment que pasa en La Fueba, en La Poblla y los llugars que tiene zerca, el preterito perfecto sintetico i coesiste con el perifrastico tepico de la Ribagorza, e ixo é ben raro por astí en la comarca.

En 1905, Jean Joseph Saroïhandy se ba trobar con esta ablla e ba transcribre una pastorada tradizional que's i ba sentir a los bezinos de La Poblla. Un d'els rasgos más sorprenents d'ixe testo ye, entre otras cosas, la presenzia cuasi cheneral tamé de los partizipios rematatos en -ato, como tamé se's ba trobar en Perraruga. Este rasgo, que asta que s'han puesto coneixer aquellos testos se teneban per esclusibos de l'aragonés zentral (Sobrarbe e Alto Galligo) pueden ebudeyar a cualsiquiera que s'aiga interesau per la situazión de l'aragonés oriental, pos de bot contrebuyen a demostrar las teorías de que n'oltros tiempos ixe rasgo, el de los partizipios, i eba estau més estendito de lo que se pensa. Se transcribe con la grafía que Saroïhandy i ba empllegar:

Desesperato.
Fa como tres dias
que perdié lo repatano
he corrito a quatre suelas,
galopan como un cavallo
por los montes de La Poblla
i ni las trazas n'he trovato.

La Poblla de Fantoba, 1905

Molimentos

• Ilesia d'o sieglo XVI con elementos renaxentistas.
• Ermita de San Clement, romanica.
• Ermita d'a Birchen de Laude, sieglo XVII.

Fiestas

Dedicatas a la birchen de Llagure (Laude como se conoix oi), 8 de setiembre, feitas el penultimo cabo de semana d'agosto.