Fernando Romanos Hernando

Fernando Romanos Hernando (Zaragoza, 1963) ye un imbestigador d'as bariedaz bibas de l'aragonés y escritor. Ye diplomato en Troballo Sozial e Relazions Laborals e Profesor de IES en Utebo (Zaragoza).

Ye binclau dende fa muitos años a la Bal de Chistau (Casa Tornel de Chistén) y partizipa autibament en a bida sozial de Sobrarbe. Ha adedicau arrienda años a imbestigar y conoxer a luenga aragonesa charrada en ixos lugars y a amostrar l'aragonés en entidaz como a Universidad Popular de Zaragoza.

Ye miembro d'o Consello d'a Fabla Aragonesa, d'o Consello Asesor de l'Aragonés e o Ligallo de Fablans de l'Aragonés, entidat de la cual estió fundador. Ye responsable de sozializazión de l'Academia de l'Aragonés.

Ha dirichiu o proyeuto europeyo FEDER-Interreg Dezaga d'es Perineus: replegar una cultura d'a parola de formazión en materia de luengas minoritarias entre l'aragonés y o gascón.

Obras

Ensayo

Fernando Romanos ye autor (solo u con atros autors) de bellas obras d'imbestigazión sobre dialeutolochía aragonesa:

• Al límite: la pervivencia del aragonés en las comarcas del norte de Zaragoza.

• L'aragonés de A Fueba: bocabulario y notas gramaticals (chunto con Fernando Sánchez)

• Fraseología del Chistabín (chunto con Fernando Blas)

• El aragonés de Baixo Peñas (chunto con Fernando Blas)

• Dizionario Aragonés: Chistabín-Castellano (chunto con Fernando Blas). Este treballo, publicau en 2008, obtenió en 1999 una menzión espezial en o premio Marqués de Lozoya d'o Menisterio de Cultura.

Tamién ye autor de bels articlos en rebistas, como Modismos y expresiones con el verbo Fer en Chistabín, El aragonés residual de Tardienta, Aragonés ribagorzano: lesico emplegau en a obra de Pablo Recio, u O parlache de Tella: aragonés del Alto Sobrarbe.

Literatura

En o plano literario, ha ganau bels premios por narrazions curtas como "Barucas pegallosas", "Es bulturnos", "Farto", "Baixo l'augua" u "O lupo saputo". Con o libro de poemas: "Baxo a mirada de Os Fustez" ba conseguir o premio Arnal Cavero en 2005.

Creyazión Audiobisual

Ye autor d'obras audiobisuals como "Patrimonio Lingüistico en Alta Zaragoza" y "Patrimonio Lingüistico en Agüero" produzidas y dirichidas por Eugenio Monesma, y "Patrimonio Lingüistico en a Bal de Tena", "O dia d'o traje d'Ansó", "La falleta y el diya d'a cultura chistabina", "De Fago a Erisué: archivo audiovisual del aragonés" (estos tres zaguers chunto con Fernando Blas). Fernando Romanos y Fernando Blas dirichen l'Archibo Audiovisual de l'Aragonés, un amplo proyeuto de replega en bidio dichital d'as bariedaz bibas de l'aragonés por meyo de testimonios de presonas bibas que parlan l'aragonés.

Premio Arnal Cavero 2005