Boyalar

Boyalar de Bollullos Par del Condado (Huelva)

Un boyalar u boyar yera una defesa de propiedat comunal on deixaban lo bestiar que serviba pa treballar en lo campo. Como la mayor parte d'ixe bestiar yeran bueis prenioron lo nombre de boyalar, pero i heba boyalars pa los somers.

Á vegatas los vallaban; por eixemplo, cuan creyoron un boyalar a man de Teruel en 1348, facioron una valla en lo terreno.

En la Depresión de l'Ebro caleba tener autorizazión reyal pa creyar un boyalar dentro de los terrenos comunals si la largaria de lo boyalar yera més gran que un tiro de ballesta.

Etimolochía

Han tenito muitas denominacions y en los textos meyebals, a parte de variants de la mesma radiz, pueden citar-los como defesa, herbaje, defesa boyal u vallar. En lo Fuero de Chaca en dicen buyalar, en lo diccionario de Pardo Asso boyaral, por un regular se lei como toponimo en castellán d'Aragón como boalar sin epentesi antihiatica. En Quinto d'Ebro bi ha una partita dita El bolar. En l'aragonés de la Val d'Acumuer se diz boyaral. En Sardas s'escribiba boballar en 1344:

el boballar suyo clamado Pardinieylla

Tamién existe a parabra boalache, que por eixemplo trobamos en a Carta Puebla de Tuexa:

visto sera que por los partidores o quinyoneros por no assignados, o assignaderos sean ordenados e assignados en el termino del dito lugar de Tuexa ciertos boalatges o redondas para los ganados de las lavores, a conocimiento de los ditos partidores.

Et semblantment partan et pongan mojones et fitas entre los terminos et tierras de los / ditos pobladores de Tuexa et de Chelva. Et encara queremos que assigne et puedan assignar los boalatges o redondas para los ganados de las lavores, segunt de suso contenido.