Diferencia entre revisiones de «Rusins»

De Biquipedia
Contenido eliminado Contenido añadido
EmausBot (descutir | contrebucions)
m robot Añadido: hy:Ռուսիններ
m robot Añadido: no:Rutenere
Linia 63: Linia 63:
[[mk:Русини (Украина)]]
[[mk:Русини (Украина)]]
[[nl:Roethenen]]
[[nl:Roethenen]]
[[no:Rutenere]]
[[os:Русинаг адæм]]
[[os:Русинаг адæм]]
[[pl:Karpatorusini]]
[[pl:Karpatorusini]]

Versión d'o 13:33 8 chul 2010

Plantilla:Grafía 87 Plantilla:Pueblo

Os rusins u rutens son un pueblo eslabo oriental e de relichión greco-catolica, que bibe en a zona d'os mons Carpatos, sobre tot en a bersant sud.

Istoria

Á lo prenzipio yeran comunidaz rurals de las bals d'os Carpatos eguals que los atros ucraineses occidentals e sin reibindicazions nazionals que se conoxcan. De feito en l'aria entre Polonia, Rumanía e Ucraína bi ha comunidaz como hutsuls, boicos e lemcos con identidat propia, dentro u fuera de la bersant sud. Á finals d'o sieglo XVIII se repartioron Polonia entre o Imperio Austro-Ongaro, o Imperio Ruso e Prusia e pasoron á depender d'os primers. Á partir de 1848, la parte ongara d'ixe imperio almenistró las tierras d'ixas comunidaz á lo sud de los Carpatos.

Las autoridaz ongaras s'intresoron en que os eslabos orientals desembolicasen una conzenzia nazional diferent de los eslabos orientals d'o norte d'os Carpatos (Galitzia austriaca) almenistratas por la parte austriaca d'o imperio. Sin d'embargo, dica 1918 no tenioron esito porque no i abió una clase inteleutual rutena rezeptiba d'ixas ideyas e de trasmeter-las á la chent.

En 1918 los gobiernos de los nuebos estatos que amanixioron dimpués la I Guerra Mundial, Hongría e Checoslobaquia, preboron d'acomboyar á la poblazión rutena. En Checoslobaquia se creyó la rechión dita Podkarpatská Rus u Rutenia Sozcarpatica, e li dioron plena autonomía en 1938. Ixa rechión la ocupó o Exerzito Royo e pasó á la URSS dimpués la Segunda Guerra Mundial.

En lo referendun de l'1 d'abiento de 1991, que lebó á la independenzia de la republica d'Ucraína, o 78% de los rusins botoron á fabor de l'autonomía dentro d'Ucraína, feito que refusó o gobierno de Kiev.

A mitat d'o sieglo XIX, bels agricultors rutens emigroron dende os Carpatos t'o sud d'a parte ongara d'o imperio, espezialment ta Boibodina, formando-ie parte d'o suyo melting pot, e s'han mantenito como grupo etnico diferent d'os atros eslabos que bi ha, encluitos los atros ucraínans. Tamién bi n'ha chicotas comunidaz rutenas en o norte de Bosnia y l'este de Croazia, encara que la de Vukovar la acotoloron los serbios cuan prenioron la ziudat en una limpieza etnica por aber-se aliato con los croatos.

Parla

En os Carpatos, os rutens no tienen una luenga escrita unificata. En Checoslobaquia d'o periodo d'entreguerras preboron de creyar una prensa e un sistema educatibo rutens, pero teneban la intenzión d'emplegar lo ruso como meyo de comunicazión escrito, cosa que se desbinió dimpués de la Segunda Guerra Mundial por a ocupazión sobietica.

Sin d'embargo en Boibodina s'ha desembolicato una luenga estandard pa la bariant ucrainana que se i charra (rutén panonico), con prensa e radio, e mesmo un departamento de rutén en la Unibersidat de Novi Sad.

Bibliografía