Grau Celsius

Plantilla:Grafía 87 O grau celsius, representato como ºC, ye una unidat de temperatura, y debe o suyo nombre á l'astronomo Anders Celsius (1701-1744), que lo proposó per primera begada en 1742. Ye una d'as unidaz deribatas d'o Sistema Internazional d'Unidaz. Se define esliyendo os 0 ºC en o punto de fusión de l'augua y os 100 ºC en o suyo punto d'ebullizión, os dos á o libel d'o mar. Una esferenzia d'un grau celsius, ye equibalent á una esferenzia d'un kelvin. O zero de l'escala Celsius difiere de l'escala kelvin en 273,15 unidaz. Ye dizir:

T (°C) = T (K) + 273,15

estando T a temperatura.

O 1948, a Conferenzia Cheneral de Pesos y Midas, se dezidió per o termin Celsius, millor que no atros termins que se feban serbir, como centigrau y centesimal, ta pribar a confusión con o prefixo centi-, y ta reconoixer o treballo d'Anders Celsius.

Fórmulas de combersión entre unidaz de temperatura Celsius, Kelvin y Fahrenheit

Combersión de	á	Formula
Celsius	Fahrenheit	°F = °C⋅1.8 +32
Fahrenheit	Celsius	°C = (°F -32) / 1,8
Celsius	Kelvin	K = °C +273,15
Kelvin	Celsius	°C = K -273,15
Calculadora ta combertir unidaz de temperatura (en anglés)

Como curiosidat, cal dezir que á -40 graus, a escala Fahrenheit y Celsius consonan.