Poesía

Marco Balero Marzal, poeta bilbilitano

A poesía ye, en literatura, l'arte d'esprisar o contenito espritual propio, á trabiés de parolas disposatas seguntes una metrica. A poesía popular ye a poesía creyata por un pueblo ta esprisar a suya identidat, con unas bibenzias elementals, e permanents, en as que se recone como tal pueblo.

Tamién se diz poesía á una obra en berso. I podemos distingir as obras escritas en bers; e o conchunto d'obras poeticas d'un poeta, u de diferents poetas, produzitas en una epoca, una luenga determinata, un chenero, etz.

Tradizionalment, se distinguen tres cheners poeticos: o epico, o lirico e o dramatico.

Sin d'espezificar a tematica, a poesía moderna se define por a suya capazidat de sintesis e d'asoziazión. A suya prenzipal aina ye a metafora, ye dezir, a expresión que contiene implizita una contimparazión entre termins que naturalment se suchieren uns á un atros, u entre os que o poeta troba sutils afinidaz. Bels autors modernos han esferenziato metaforas d'imachens, parolas que a retorica tradizional emparenta. Ta istos autors, a imachen ye a construzión d'una nueba reyalidat semantica á trabiés de senificatos que en conchunto suchieren un sentito uniboco e allora diferent e estraño.

O Día Internazional d'a Poesía ye o 21 de marzo.

Poesía en aragonés

Bi ha diferents escritors que han feito poesía en aragonés, entre os que se pueden destacar por eixemplo Ana Abarca de Bolea, Ánchel Conte, Cleto Torrodellas Chusé Inazio Nabarro u Quino Villa. Un d'os premios de poesía más destacatos en aragonés ye o "Premio de Poesía Ana Abarca de Bolea".

Un chicot eixemplo d'una conoxita poesía en aragonés, "Mai" d'Ánchel Conte:

Mai, mira-me as mans;
as trayo buedas,
lasas d'amar...
Son dos alas
d'un biello pardal
que no puede
sisquiera bolar

"Mai". Ánchel Conte