Diferencia entre revisiones de «Bulgaria»

De Biquipedia
Contenido eliminado Contenido añadido
Sin resumen de edición
Xqbot (descutir | contrebucions)
m robot Modificado: kl:Bulgaria
Linia 311: Linia 311:
[[kg:Balgaria]]
[[kg:Balgaria]]
[[kk:Болгария]]
[[kk:Болгария]]
[[kl:Bulgarien]]
[[kl:Bulgaria]]
[[kn:ಬಲ್ಗೇರಿಯ]]
[[kn:ಬಲ್ಗೇರಿಯ]]
[[ko:불가리아]]
[[ko:불가리아]]

Versión d'o 06:12 19 chun 2010

Plantilla:Grafía 87 Plantilla:Infobox País

A Republica de Bulgaria ye un país europeu situato en o sudeste d'o continén. Muga á lo norte con Rumanía, á lo sud con Grezia y Turquía y á l'ueste con Serbia y Montenegro y con a Republica de Mazedonia. A suya capital ye Sofiya.

Poblazión

A suya poblazión ye de 7.537.929 abitants (2003) en una superfizie de 110.910 km², con una densidat de poblazión de 67,9 hab/km².

Poblazión por etnias e nazionalidaz

En 1991 s'estimaba que de 8.989.000 abitants de Bulgaria 8.200.000 yeran bulgaros etnicos, (pero os zingaros no se zensaban a parte y en podeban estar uns 150.000), e 700.000 turcos rumelís. Entre 100.000 e 200.000 son bulgaros musulmans u pomacos.

Cheografía

Provincias y monezipios

Dende 1987 dica 1999 Bulgaria yera formata por 9 provincias (oblasti, en singular oblast); dende 1999, tien 28 provincias. Istas provincias son:

Istas provincias tienen 264 monezipios.

Prenzipals localidaz

Posizión Ziudat Poblazión Posizión Ziudat Poblazión
1. Sofiya 1.393.565 6. Stara Zagora 152.619
2. Plovdiv 379.119 7. Pleven 122.989.
3. Imachen:Varna-coat-of-arms.svg Varna 352.211 8. Sliven 104.304
4. Burgas 203.797 9. Dobrich 103.309
5. Russe 167.715 10. Shumen 89.613

Istoria

Etnochenesis d'os bulgaros eslabos

Os proto-bulgaros d'o baxo Danubio yeran un pueblo de luenga turquesa que as fuents contemporanias denominaban bulgaros. Os bulgaros turqueses yeran aliagatos d'unas tribus eslabas y s'eban feito con o control de territorios d'o Imperio Román d'Orient entre a cordelera d'os Balcans e o Danubio. Ixe territorio, a lo norte d'a linia Jirecek yera abitato por poblazions romanizatas de luenga latina, que ya en l'Alta Edat Meya serán conoxitos como blacos, que tamién irán eslabizando-se e serán cada begata més ixemenatos por os balcans.

En Trazia os chazimientos eslabos més antigos se parixen a los d'a cultura de Hlincea I (cultura documentata en l'actual territorio de Rumanía entre a segunda metat d'o sieglo VII e lo sieglo IX), e parix coinzidir con o naximiento d'o primer estato bulgaro en a segunda metat d'o sieglo VII [1].

Os bulgaros encomenzoron a eslabizar-se e fusionar-sen con os eslabos cuan arredol de l'año 865 o rei Boris I se combirtió a lo cristianismo. A lo prenzipio os bulgaros cristians yeran aliniatos con Roma, pero Boris dezidió aliniar-se con Costantinoble porque o papa de Roma no permitiba que i ese en Bulgaria una seu metropolitana. Climent e Nahún, disziplos de Zirilo e Metodio, introduzioron a liturchia en eslabo eclesiastico e l alfabeto glacolitico, e d'esta traza prenió importanzia a luenga e cultura d'os eslabos, més lumerosos en a zona, debant d'a luenga e cultura d'os bulgaros de luenga turquesa. En o sieglo binient se costituyó una ilesia autonoma con o suyo patriarca.

primer Imperio Bulgaro

O fillo de Boris I, Simeón, fue coronato Basileus en l'año 913, prenendo o títol de zar, y en 926 traslada a capital ta Preslav, no guaire luent de Pliska. Este imperio bulgaro plegaba dica as actuals Serbia, Mazedonia e Albania e ye conoxito por os istoriadors como primer Imperio Bulgaro. I abió un gran desembolique artistico e literario, e a cultura bizantina s'ixemenaba por o mundo eslabo.

Dimpués de Simeón o Imperio s'enfeblix.

D'alcuerdo con bellas fuents o Imperio Bizantín en guerra cuentra Bulgaria clamó a los hongaros pa creyar-lis a los bulgaros un frent a la suya espalda. Os bulgaros reazionoron clamando a los pazinacos pa que atacasen por a espalda a los hongaros. O resultato estió que os hongaros abioron d'abandonar as tierras que alabez ocupaban en Ucraína occidental e Moldabia y establir-se en Panonia. Os pazinacos ocuporon o puesto d'os ongaros en Ucraína e Moldabia. O Imperio Bulgaro perdió o control d'os países blacos y eslabos d'o norte d’o Danubio, (d'alto u baxo l'actual Rumanía).

A cultura bizantina s'eba ixemenato tanto por o primer Imperio Bulgaro que tamién plegoron ideyas eterdocosas, e d'esta traza o aszeta bulgaro Chuan Bogomil desembolicó en o monesterio de Ryla (Mazedonia) o bogomilismo.

Decadenzia d'o primer Imperio e ocupazión Bizantina

O rei Samuel preba de reazionar zentrando o suyo Estato en Ohrid (Mazedonia), pero o emperador bizantín Basilio II embade os zaguers territorios orientals que controlan os bulgaros y en 1014 lis infliche una gran derrota en a que os bizantins prenen como brutal represalia buedar os güellos de 14.000 presioners bulgaros, que son nimbiatos a lo rei por un tuerto. En o "Libro d'os Emperadors" lo describen asinas:

E fueron presoneros búrgaros XV mil, a los cuales ha feito levar la vista sino a cada centenar uno, e aquel con un ojo, por manera que guidás los otros, e aprés los soltó francos e les mandó que fuessen a su senyor

Samuel muere dos días dimpués. Cuatre añatas dimpués o zaguer rei de Bulgaria muere en una batalla.

Basilio II conzedió a chestión a l'aristocrazia natiba e confirmó a posizión d'a ilesia. Os bizantins preboron d'elenizar a los bulgaros, como a atros eslabos de territorios que tornaban a controlar. As planas d'o norte yeran zona de paso pa pueblos turqueses d'as estepas que s'escapaban a lo poder d'o Imperio Bizantín: pazinacos, uzios e cumans. Bulgaria tamién estió zona de paso pa os cruzatos.

Segundo Imperio Bulgaro

Ta más detalles, veyer l'articlo segundo Imperio Bulgaroveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A fins d'o sieglo XII os campesins bulgaros e os blacos de rebelan e se costituye un nuebo estato Bulgaro, que por estar tamién prou estenso ye conoxito como segundo Imperio Bulgaro por os istoriadors, e tamién conoxito como Imperio Bulgaro-Blaco por istoriadors rumans, por ser gobernato por una dinastía blaca, os Asán. A capital yera Tarnovo, a ilesia recuperó a suya autozefalia e bi ha una recuperazión cultural.

A embasión mongola de 1242, cuan tornaban d'Hongría fazió que os bulgaros entrasen en decadenzia. O estato s'esminglanaba e se suzedeban diferents dinastías, belunas d'orichen cumán. A costa d'a Mar Negra e a desembocadura d'o Danubio se poblaban por pueblos turqueses de diferents orichens. A fins d'o sieglo XIV i eba dos reinos bulgaros prenzipals, un con capital en Tirnovo y atro con capital en Bidina. En 1382 os otomans prenioron Sofía, en 1393 o reino de Tirnovo, y en 1396 o reino de Bidina. En 1396 os hongaros e franzeses organizan una cruzata anti-otomana, plegan a ocupar Bidina, pero son benzidos en Nikopol. En 1444 atra cruzata antiotomana ye redotata en 1444 en a batalla Varna, en a que muere o rei Vladislau de Polonia e Hongría.

Dominazión otomana

Dende fins d'o sieglo XIV dica fins d'o sieglo XVIII Bulgaria fazió parte d’o Imperio Otomán. Talment por deseyo d’os griegos o patriarcato bulgaro fue suprimito en 1393, e a ilesia bulgara dependeba dreitament d’o patriarca de Costantinoble. A ilesia s’eleniza e a luenga eslaba ye abandonata por o griego. A nobleza bulgara, muito diezmata por as guerras, ye deportata t’Anatolia u se combierte a lo islam. A mayoría d’os campesins bulgaros siguen estando ortodocsos, pero en o sudueste bi ha bulgaros que se combierten a la relichion musulmana esdebenindo os pomacos. Os turcos s’establexen en diferents partes de Bulgaria como Dobrucha, pero tamién i abrá bulgaros islamizatos que esdebenirán turcos al prener a luenga turca. Bellas poblazions de Bulgaria se fan multietnicas. Os mercaders griegos, armenios e chodigos ocuporon o puesto d’a clase meya. Os chodigos yeran almesos en os bicos turcos d’as ziudaz. A lo norte d’os Balcans as ziudaz solas que i eba yeran dominatas por ziudadans griegos e guarnizions turcas. As biellas ziudaz de Rumelia fuoron elenizatas. As tradizions bulgaras se mantenioron bibas en secreto en os monesterios, grazias a Paisij, un mochne de Athos que en l’año 1762 escribió una istoria d’o suyo pueblo bulgaro.

A presión rusa

L’aislamiento d’os bulgaros se crebará dende a segunda metat d’o sieglo XVIII por contacto con os rusos, en o suyo abanze enta o sud desgastando o Imperio Otomán. En a guerra de 1768 entre otomans e rusos, as tropas rusas plegarán dica Bulgaria y en 1774 benzerán a los otomans en a batalla de Chumla. Por o tratato de Küçük-Kaynarca Rusia d’adchudica o poder de protezión d’os cristians ortodocsos d’o Imperio Otomán.

En 1829 os griegos se rebelan e as tropas rusas ocupan una gran parte d’as tierras bulgaras, prenendo Adrianopolis. Por o tratato de paz Blaquia e Moldabia esdebienen un protectorato ruso e Bulgaria permanexe en o Imperio Otomán, pero muitos bulgaros emigran enta Blaquia e Moldabia (espezialment ta Besarabia).

O separatismo bulgaro

En a decada de 1830 os misioners europeus occidentals e norteamericans s’intresan por os bulgaros. En ixa epoca amanix o nazionalismo bulgaro, amanix una burguesía bulgara comerziant e artesana, s’ubren escuelas e s’imprimen obras en luenga eslaba. A primera biblia bulgara fue publicata en 1940 por Eli Riggs. Os mesmos otomans fomentaban este nazionalismo pa desgastar o emerchent nazionalismo griego. A presión popular consigue que a liturchia torne a estar en luenga eslaba, y en 1870 o soldán creya un esarcato bulgaro independient, en contra d’a boluntat d’o patriarca de Costantinoble. A penar de l’apoyo otomán a lo nazionalismo bulgaro e las conzesions bi ha descontento por a plegata de refuchiatos musulmans d’o Imperio Ruso como zircasians, nogais e tartres de Crimeya, (benitos dimpués d’a guerra de Crimeya). Os nazionalistas bulgaros emigratos en Bucarest s’organizan.

L'autonomía

En 1875 esclata una insurrezión en Bosnia e arriba en Bulgaria en 1876. Os turcos reazionan con una represión brutal con os bachibozuks, que fan mortaleras e debastan lo país. A opinión publica europeya ye escandalizata por as notizias de Bulgaria (o panfleto de Gladstone denunziaba o que escayexeba) y os países europeyos, en espezial Gran Bretaña e Rusia, presionan pa que den l’autonomía a Bulgaria. Rusia declara a guerra a lo Imperio Otomán en 1877 y embade Bulgaria con l’apoyo d’o exerzito rumán e d’una lechión bulgara. En chinero de 1878 o exerzito ruso ye muito a man de Costantinoble. O 3 de marzo de 1878 Rusia imposa a lo soldán o tratato de San Estefano. D’alcuerdo con este tratato se creyaría un estato pan-bulgaro con os territorios de l’actual Bulgaria, as tierras eslabas de Mazedonia, una francha de l’actual Serbia e lo norte de Trazia oriental. Como esto suposaba un desmantelamiento d’o Imperio Otomán en Europa e un desequilibrio de fuerzas en os Balcans, Austria e Gran Bretaña presionoron a Rusia pa que firmase o congreso de Berlín en chulio de 1878 por que se manteneba o status quo. O prenzipato autonomo de Bulgaria se reduziba a la rechión de Sofía e las tierras a lo norte d’os Balcans. A cuenca d’o río Maritsa seguiba estando una provincia otomana, dita Rumelia oriental, encara que con zierta autonomía, con un gobernador cristián e baxo a superbisión d'as grans potenzias. Mazedonia no eba cambeyato de situazión.

En 1878 una Asambleya costituyent aplegata en Tarnovo prenió una Costituzión y esleye a Alexandre de Battemberg como prenzipe. En Rumelia oriental os representants d’as potenzias europeyas elaboran estatutos organicos.

Bulgaria independient

En 1885 o exerzito bulgaro ocupa Rumelia oriental. Os serbios reazionan pero son derrotatos. Alexandre zesa a los menistros rusos sin consultar a Rusia e lo zar organiza un complot melitar en cuentra d’él. Alexandre ha d’abdicar y prene o control Stepan Stambolov. Stambolov consigue que o exarca nombre bispes bulgaros en Ohrid e Veles, alabez territorio otomán. L’asambleya de 1887 esleye como prenzipe a Ferrando de Saxonia-Coburgo, que en 1894 se desfa d’o ditador Stambolov. En 1908 Ferrando proclama en Tirnovo a independenzia de Bulgaria e prene o títol de zar con l’aprobazión d’Austria-Hongría, e o reconoximiento internazional. Bulgaria no teneba una clase meya, pero a suya aristocrazia teneba una mentalidat zibice e laica, (os tiempos de control griego en a ilesia fazioron que os bulgaros estasen bella cosa allenatos d’a ilesia). En 1903 bi ha una prebatina d’insurrezión bulgara en Mazedonia e Trazia, pero fracasa dimpués de 3 meses, esclafata por os otomans.

As guerras balcanicas

En 1912 Bulgaria declaró a guerra a lo Imperio Otomán chunto con Serbia e Grezia. Adrianopolis caye en marzo de 1913 e los otomans se rinden. Por o tratato de Londres d’o 30 de mayo de 1913 o Imperio Otomán abandona os territorios a l’este d’a linia Enos-Midia. Os tres estatos benzedors no se posan d’alcuerdo con o reparto. Os bulgaros, que han combatito en l’este se consideran os autenticos benzedors d’os turcos, pero han estato os serbios qui han ocupato o zentro e norte de Mazedonia. Os griegos han ocupato tierras d’o sud de Mazedonia poblatas por eslabos. O 23 de chunio Ferrando ordena atacar a los serbios e griegos sin declarazión de guerra, encomenzando a segunda Guerra Balcanica. En a segunda Guerra Balcanica os bulgaros son atacatos tamién por os otomans e os rumans, e pierden a guerra. Por o tratato de Bucarest o 10 d’agosto de 1913 Bulgaria obtién una estensión territorial en o sud, con una parte de Trazia que li da azeso a la mar Echeya, pero ha de zeder o sud de Dobrucha a Rumanía, y Adrianopolis e Trazia oriental a Turquía. Serbia conserba a suya parte de Mazedonia.

As guerras mundials

En setiembre de 1915 Bulgaria fa liga con o Imperio Austro-Ongaro e declara a guerra a Serbia o 15 d'otubre. O exerzito serbio ye un una pinza e se retira enta la mar a trabiés d'Albania. As tropas bulgaras ocupan a parte serbia de Mazedonia e fan frent a las tropas aligatas que han desembarcato en Salonica o 15 d'otubre (se creya o frent d'Orient). Cuan Rumanía entra en guerra en agosto de 1916 Bulgaria s'asozia a la contraofensiba d'as potenzias zentral y ocupa Dobrucha d'o sud, que eba perdito en a segunda Guerra Balcanica.

O 18 de setiembre de 1918 se creba o frent d'Orient y Bulgaria ye obligata a firmar un armistizio o día 29. O 3 d'otubre Ferrando abdica en Boris III. O tratato de Neully d'o 27 de nobiembre de 1919 imposa perdugas territorials: Rumanía recupera o sud de Dobrucha, Serbia s'anecsiona bels distritos güegants de Bulgaria, Grezia ocupa Trazia occidental, por o que Bulgaria pierde o azeso a la mar Echeya e s'empobrix o antepaís d'ixa costa. En 1923 os griegos forachitoron a 250.000 bulgaros de Trazia e Mazedonia, e son sustituitos por refuchiatos griegos de Turquía.

Encomienza a ditadura campesina de Alexandre Stambolijski, que ye asesinato en 1923. Dimpués bi ha una insurrezión comunista, seguita d'una represión. Dimpués un periodo d’inestabilidat con desembolique d’o terrorismo. Se creya un mobimiento d'inspirazión musoliniana parexito a los ustachas, os komitadjis, salitos d'o ORIM, (Organizazión Reboluzionaria Interior de Mazedonia, de fins d'o sieglo XIX). A fins d'ixe mesmo año os ofizials fomentan un golpe d’Estato. A l'añata binient se proclama una ditadura exerzita por o mesmo rei Boris III, que manifiesta simpatía por l'Alemanya nazi.

O 7 de setiembre por l'alcuerde de Craiova Bulgaria recupera Dobrucha d'o sud, en un tiempo que Rumanía ye obligata a zeder territorios. En marzo de 1941 Bulgaria s'adiere a lo pacto tripartito e ye recompensata con l'anecsión d'una gran parte de Mazedonia, d'o destrito de Pirot de Serbia, e con a recuperazión de Trazia. Os griegos de Trazia, uns 100.000, son forachitatos en respuesta por a espulsión d'os bulgaros en 1923. O gobierno bulgaro preba de ganar-se a simpatía d'os mazedonians eslabos e integrar-los.

Boris III se negó a entregar a los chodigos de Bulgaria a los nazis e a partizipar en a guerra cuentra a URSS. En agosto de 1943 Boris III muere y ye sucedito por Simeón II.

A bulgaria comunista

Os dirichents bulgaros miran en 1944 un alcuerde con as potenzias occidentals, pero en agosto os sobieticos ya son prou amanatos, e penetran en Rumanía. O 5 de setiembre a URSS declara a guerra a Bulgaria, que se rinde e ye presionata pa que declare a guerra a Alemanya. As tropas bulgaras se retiran de Grezia y Yugoslabia. O 16 de setiembre os sobieticos ocupan Sofía e ocuparán Bulgaria dica fins de 1947. O 28 d’otubre se firma un armistizio en Moscú e o poder pasa a los comunistas.

O 9 de setiembre un golpe d'estato posa en o gobierno a lo Frent d'a Patria. O Partito Comunista ye a fuerza organizata sola, organizazión que depende de Moscú, e prene tot o poder con l'aduya d'o exerzito d'ocupazión. Dimpués de l'abolizión d'a monarquía por referendum se proclama a republica popular o 15 de setiembre de 1946. O rei Simeón II s'exella. L'aduya sobietica permite que por o tratato de París de 1947 Bulgaria conserbe Dobrucha d'o Sud. En 1947 unos cuantos prozesos eliminan a los dirichents politicos no comunistas, como Nikolai Petkov, dirichent d'os campesins. En 1949 o partito comunista sufre una purga estalinista por parte d'os cuadros d'o partito formatos en a URSS que permite aibar a parte d'os comunistas, acusatos de titismo. O estalinista Valko Chervenkov se posa a la cabeza d'o partito e dimpués ye suzedito por Todo Jirkov, qui seguirá os ditatos d'a URSS.

A bulgaria postcomunista

En nobiembre de 1989 Todo Jirkov ye zesato en as suyas funzions e acusato de corruzión. Tres añatas dimpués será condenato a siet añatas de prisión. Con o suyo suzesor Petar Mladenov o partito comunista se torna sozialista, y en as eslezions libres de chunio de 1990 obtién 211 d’os 400 escaños de l’Asambleya nazional. Os escomunistas comparten o poder con a oposizio´n (Unión d’as Fuerzas Democraticas). En chulio de 1991, o Parlamento adopta una nueba costituzio´n. As eslezions lechislatibas d'otubre de 1991 dan 110 escaños a la UFD, 106 a lo Partito Sozialista e 24 a lo Mobimiento d’os dreitos e libertaz d’os turcos e pomacos. Jeliou Gelev, lider d’a UFD, ye esleito president d’a Republica por sufrachio unibersal en chinero de 1992.

Bulgaria será o primer Estato en reconoxer a independenzia d'a Republica de Mazedonia, encara que no aiga reconoxito a lo pueblo mazedonián como diferent d'o pueblo bulgaro.

Referencias

  1. Michel Kazanski Cécile Morrison Jean-Pierre Sodini EL HUNDIMIENTO ANTES LAS INVASIONES: LOS SIGLOS OSCUROS. GRAN ATLAS DE ARQUEOLOGÍA. S.A EBRISA.

Enrastres externos

Commons
Commons
Se veigan as imáchens de Commons sobre Bulgaria.


Estaus d'Europa
Abkhasia3 | Albania | Alemanya | Andorra | Armenia2 | Artsakh3 | Austria | Azerbaichán1 | Belarrusia | Belchica | Bosnia y Herzegovina | Bulgaria | Cazaquistán1 | Croacia | Cheorchia1 | Chipre2 | Chipre d'o Norte2, 3 | Chequia | Dinamarca | Eslovaquia | Eslovenia | Espanya1 | Estonia | Finlandia | Francia1 | Grecia | Hongría | Islandia | Irlanda | Italia1 | Kosovo3 | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud3 | Países Baixos | Polonia | Portugal | Reino Uniu | Rumanía | Rusia1 | San Marino | Serbia | Suecia | Suiza | Transnistria3 | Turquía1 | Ucraína | Vaticano
Dependencias: Åland | Akrotiri y Dhekelia | Chibraltar | Guernési | Isla de Man | Islas Feroe | Jèrri | Svalbard
1 Parti d'o suyo territorio ye difuera d'Europa. 2 Se troba en Asia, pero tien relacions historico-culturals con Europa. 3 Parcialment reconoixiu. 4 No reconoixito

Plantilla:Destacato